“Lokomotiv” – AGMK uchrashuvidan so`ng o`tkazilgan matbuot anjumanida har ikki jamoa bosh murabbiylari o`yin haqidagi fikrlarini bildirib o`tishdi.
- Bugungi natijadan biroz xafamiz. Har bir o`yinda maksimal darajada ochkolar qo`lga kiritish lozim. Bugun ham qanday bo`lmasin ochko olishimiz kerak edi. Bugun rosti “Lokomotiv” butun uchrashuv davomida ustunlik qildi. Omad biroz biz tomonda bo`lganida, balki durangga erisharmidik. Gol urganimizdan so`ng tezda javob goli o`tkazganimiz biroz ta`sir qildi. Mavsum avvalida jamoa oldiga kuchli oltilikka kirish vazifasi qo`yilgan. Buni hali hech kim o`zgartirmadi. Men o`zim himoyachi bo`lgan bo`lsam-da, jamoani muxlislarga yoqdigan o`yin namoyish etishga yo`naltirishni maqsad qildim, - dedi Baxtiyor Ashurmatov.
- Bugun juda chiroyli o`yin namoyish etgani uchun barcha maydonga tushgan yigitlarga minnatdorchilik bildiraman. Meni xurdsand qilgan jihat shundan iboratki, biz gol o`tkazib yuborsak ham keyin o`z o`yinimizni topa oldik. Bugun "Lokomotiv" futbolchilari chin ma`noda xarakter namoyish eta olishdi. Endi davralar oralig`ida jamoamizni tarkib jihatidan kuchaytirishga urinamiz, - dedi Andrey Fyodorov.
