O`zbekiston Professional futbol ligasi Championat.asia bilan hamkorlikda oyning eng yaxshilarini aniqlashda davom etadi. Navbat may oyiga etib keldi.
Chiroyli gollarga boy tarzda o`tayorgan PEPSI Superligasida mart oyi yakunlariga ko`ra ushbu nominatsiya g`olibligi Azizbek Turg`unboevga nasib etgandi. Aprelda esa Elguja Grigalashvili eng chiroyli golga mualliflik qildi.
May oyining eng chiroyli goli muallifi bo`lish uchun nomzodlar:
Sardor Rashidov — “Lokomotiv” 10-tur. “Neftchi” — “Lokomotiv” (1-goli);
Arslonmurod Omonov—“Buxoro” 11-tur. “Lokomotiv” — “Buxoro”;
Sardor Mirzaev—“Lokomotiv” 11-tur. “Lokomotiv” — “Buxoro”;
Filip Rayevats—“Bunyodkor” 12-tur. AGMK — “Bunyodkor”;
Azamat Allaniyozov—“Navbahor” 12-tur. “Navbahor” — “Metallurg” (3-goli);
Shavkat Salomov—“Buxoro” 13-tur. “Buxoro” — “Nasaf”;
Muhammad Isaev—“Metallurg” 13-tur. “Metallurg” — “Lokomotiv”.
Bu safar may oyida ham bir qator futbolchilar o`z kiritgan chiroyli gollari orqali muxlislar olqishiga sazovor bo`lishdi. Arslonmurod Omonov hamda Filip Rayevats esa ikkinchi bora oyning eng chiroyli goli muallifi bo`lish uchun da`vogarlar qatoridan o`rin olishdi.
P.S. Ovoz berishda PEPSI Superliganing 12 ta klubi bosh murabbiylari va sardorlari ishtirok etadi. Muxlislar ovozi esa Championat.asia nashrida qabul qilinadi.
May oyining eng chiroyli gollari yig`ilgan videoni YouTube orqali championatasia kanalidan topish mumkin.
