O`zbekiston futbol Assotsiatsiyasining yurtimizda futbolni rivojlantirish, uni yuqori bosqichga olib chiqish borasida bir qator chora-tadbirlarni amalga oshirmoqda.
Ushbu sa`y-harakatlardan asosiy maqsad muxlislarni yana stadionlarga qaytarish, futbol uchrashuvlarini tomosha qilish uchun oilaviy tarzda muxlislar tashrifini ta`minlash ekanligi ko`p bor ta`kidlanmoqda.
Superliganing 1-turidanoq muxlislar stadionlarga qaytayotgani yurtimizdagi futbol ishqibozlari katta futbolni sog`inishgani, futbolni rivojlantirish yo`lida olib borilayotgan islohotlarga ular ham xayrixoh ekanliklarini ko`rsatadi.
Jumladan, bugun bo`lib o`tgan “Bunyodkor” – AGMK uchrashuvida stadionga muxlislar o`zlarining jajji farzandlari, turmush o`rtoqlari bilan kelganliklarini ko`rish mumkin.
Asosiysi, o`zbek futbol muxlislari ham stadionda haqiqiy muxlislik qilish madaniyatini namoyish qilib berishayotgani quvonarlidir.
Muxlislarni stadionlarga chorlab qolamiz!
