Tartib-intizom Qo`mitasining navbatdagi yig`ilishi o`tkazildi.
O`zbekiston Kubogi
“Nasaf”ga qarshi O`zbekiston Kubogi yarim final javob uchrashuvi yakunlanganidan keyin “Nasaf” klubi muxlislariga qarata nomaqul hatti-harakatlar amalga oshirgani uchun “Lokomotiv” klubi ma`muri B. Ismoilov 2ta uchrashuvga diskvalifikatsiya qilindi va jarimaga tortildi.
Birinchi Liga
“Yangier” – “Mash`al” uchrashuvida tajovuzkor hatti-harakatlar amalga oshirgani uchun maydondan chetlatilgan “Yangier” klubi futbolchisi A. Jo`raboev 4ta uchrashuvga diskvalifikatsiya qilindi.
“Norin”ga qarshi uchrashuvda raqib jamoa ustoziga nisbatan bexurmat so`zlar ishlatgani uchun “Surxon” jamoasi futbolchisi S. Xolmatov 3ta o`yinga diskvalifikatsiya qilindi.
“Surxon” jamoasi bilan bo`lgan uchrashuvdan so`ng zaxira hakami nomiga nomaqul so`zlar ishlatgani uchun maydondan chetlatilgan “Mash`al-2” jamoasi futbolchisi M. Yusupov 3ta o`yinga diskvalifikatsiya qilindi.
“Yozyovon-Lochinlari” jamoasiga qarshi uchrashuvda o`zini maydonda juda qo`pol ravishda tutgani bois maydondan chetlatilgan “Orol” jamoasi futbolchisi M. Qarliboev 3ta uchrashuvga diskvalifikatsiya qilindi.
“Orol”ga qarshi uchrashuvda maydonda o`zini qo`pol ravishda tutgani uchun “Yozyovon-Lochinlari” jamoasi futbolchisi U. Olimov 2ta uchrashuvga diskvalifikatsiya qilindi.
“Xorazm” jamoasiga qarshi uchrashuvda o`yin qoidasini qo`pol ravishda buzgani uchun maydondan chetlatilgan “Norin” klubi futbolchisi A. Mamazoitov 2ta uchrashuvga diskvalifikatsiya qilindi.
Yoshlar Ligasi
“Nasaf”ga qarshi o`tgan uchrashuvda “Obod” klubi futbolchisi U. Inoyatillaev ataydan raqibining yuziga zarba berishga uringani uchun maydondan chetlatilgandi. Shuning uchun ushbu futbolchi 2ta o`yinga diskvalifikatsiya qilindi.
“Bunyodkor” bilan bo`lgan uchrashuvda o`yin qoidasini qo`pol ravishda buzgan “Mash`al” klubi futbolchisi J. Mirzaqulov 2ta uchrashuvga diskvalifikatsiya qilindi.
