Kecha, 19 iyul kuni O`zbekiston Professional Futbol Ligasi 2016 yildan boshlab futbolda “Agent” tushunchasi bekor qilinib, o`rniga “Vositachi” tushunchasi kiritilgani haqida ma`lum qilgandi.
O`zbekiston Respublikasi hududida vositachilik qilmoqchi bo`lganlar albatta O`zPFLda ro`yxatdan o`tishi kerak bo`ladi. Buning uchun quyidagi hujjatlar O`zbekiston Futbol Federatsiyasi maslahatchi-huquqshunosi (yuriskonsulti)ga taqdim etilish lozim.
1. Pasport nusxasi;
2. O`FF bosh kotibi Sardor Rahmatullaev nomiga ariza;
3. Futbolchi yoki klub bilan shartnoma nusxasi;
4. Vositachilik haqida deklaratsiya imzo chekish.
Qayd etish joiz, vositachilar shu yilning 9 avgustiga qadar O`zPFLda ro`yxatdan o`tishi kerak.
