Samarqandning «Dinamo» klubi 18 iyul kuni hamshahari «Sherdor»ga qarshi nazorat o`yinida maydonga tushdi. Bu haqda Samarqand viloyat futbol federatsiyasi sayti xabar bermoqda.
«Dinamo» va O`zbekiston Birinchiligi ishtirokchisi «Sherdor» o`rtasidagi bahs 2:0 hisobida Oliy Liga vakili foydasiga hal bo`ldi. «Dinamo» stadionida kechgan bahsda gollar To`lqin Mirzaev va ukrainalik yarim himoyachi Vladimir Kilikevich hisobiga yozildi.
Avvalroq, «Dinamo» safida ko`rikda o`tayotgani haqida xabar berilgan nigeriyalik futbolchilar – Yoqub Mayza va Lourens Katto 18 iyul kuni «Sherdor» safida to`p surgan.
Eslatib o`tamiz, Ravshan Haydarov qo`l ostidagi «Dinamo» ikkinchi davra o`yinlariga tayyorgarlikni Samarqandda olib bormoqda.
