O`zbekiston futbol federatsiyasi Ijroiya qo`mitasi Byurosi 2012 yilgi O`zbekiston Birinchiligi musobaqalaridan, moliyaviy ta`minotning etarli emasligi va klubning Birinchilikda ortiq ishtirok eta olmasligi sabab, «Imkon-Oltiariq» (Oltiariq) klubini almashtirish to`g`risida qaror qabul qildi.
O`zbekistonning havaskor bo`lmagan va yarimprofessional klublari o`rtasidagi 2012 yilgi musobaqalar uchun Reglamenti 4-moddasi, 4.9-bandiga asosan «Imkon-Oltiariq» (Oltiariq) jamoasi 2012 yilgi O`zbekiston Birinchiligi ishtirokchilari safidan chiqarildi.
Bu yil tarixiy sana – O`zbek futbolining 100 yilligi nishonlanishi hisobga olinib, «Qo`qon-1912» klubi 2012 yilgi O`zbekiston Birinchiligi ishtirokchilari qatoriga kiritildi.
2012 yilgi O`zbekiston Birinchiligi bahslarida 24 ta klub ishtirok etadi, 1-tur uchrashuvlari 3-4 aprel kunlari bo`lib o`tadi.
