Avvalroq Liga Paxtakor-79 minimal talablarni bajarishi uchun o‘z yordamini taqdim etgani hamda yetarlicha imkoniyat bergani haqida ma’lum qilingandi. Bularning bari Angren katta futboldan uzilib qolmasligi uchun edi.
Shunga qaramay, Paxtakor-79 jamoasining xorijlik investori O‘zbekiston qonunchiligi asosida faoliyat olib borishni eplay olmadi. Mavjud holatni inobatga olib, Liga jamoani Birinchi liga o‘yinlaridan chetlashtirishga qaror qildi.
Mavsum avvalida Paxtakor-79 bilan shartnoma imzolagan futbolchilar Birinchi liganing istalgan boshqa jamoasida faoliyatini davom ettirishi mumkin. Ularning ehtimoliy yangi shartnomasi yoki kelishuv bitimi istisno tariqasida Liga ro‘yxatidan o‘tkazib beriladi.
