O‘zbekiston Superligasi 3-turida safarda Lokomotivga yirik hisobda mag‘lub bo‘lgan amaldagi chempion - Paxtakor klubi bosh murabbiyi Maksim Shatskix o‘yindan so‘ng mag‘lubiyat sabablari haqida fikr bildirdi.
Bugun bizning kunimiz emas ekan, hech nima o‘xshamadi, barcha ko‘rsatmalarimizning teskarisi bo‘ldi. Barcha gollarni o‘zimiz olib keldik. Yoshlarimizga barqarorlik etishmayapti.
Sobirxo‘jayev betobligi uchun maydonga tushmadi. Uning yo‘qligi bilindi. Boisi, markaz va hujumni bog‘lab turardi. Bu narsa bugun bizga yetishmadi.
Albatta, zaxiramiz torligi chempionat o‘yinlari davomida bizga qiyinchilik tug‘dirishi aniq. Nima ham derdim, yoshlarga aytganimdek, barqarorlik yetishmayapti. Ko‘pchiligi katta o‘yinlarga tayyor emasligini aytmoqchiman. Qachon tayyor bo‘lishsa, shunda maydonga tushishadi.
