Bunyodkor klubi uch nafar futbolchini o‘z safiga qo‘shib oldi. O‘tgan mavsumni OKMK tarkibida o‘tkazgan Mirjahon Mirahmadov qaldirg‘ochlar bilan bir yillik kelishuvga erishdi.
Yakulangan mavsumda Navbahor sharafini himoya qilgan Temurxo‘ja Abduxoliqov ham sobiq jamoasiga qaytdi. U toshkentliklar bilan 2025-yil so‘nggiga qadar mo‘ljallangan shartnomaga imzo chekdi.
Turon hujumchisi Rustamxon Azimov ham yangi mavsumda poytaxtliklar safida to‘p tepadi. U jamoa bilan ikki yillik bitim imzoladi.
Shuningdek, ikki futbolchi Bunyodkor bilan shartnomasini uzaytirdi. Darvozabon Sarvar Karimov qaldirg‘ochlar bilan ikki, Sardorbek Rahimov esa kelishuvni uch yilga uzaytirdi.
