Liga Coca Cola Superliganing 2023-yilgi mavsumi qahramonlarini tez orada e’lon qiladi. An’anaga ko‘ra, Liga har oyning eng yaxshilarini aniqlab bordi. 2023-yilda bu mexanizm o‘zgargani va endilikda Liga mustaqil ekspertlar fikrini inobatga olayotgani mavsum avvalida aytib o‘tilgandi.
Yil avvalida mustaqil ekspertlar soni 19 nafarni tashkil qilayotgandi. Biroq keyinroq ular orasidan bir nafar shaxs Superliga klublaridan biri bilan hamkorlik qila boshlagach, undan ovoz olish to‘xtatildi. Qolgan ekspertlar esa futbol jamoatchiligiga yaxshi ma’lum. Liga bunda ularning Superliga uchrashuvlarini bevosita kuzatib borishi masalasiga alohida e’tibor qaratgan.
Biz mazkur ekspertlar yordamida har oyning eng yaxshilarini aniqlab keldik. Fursatdan foydalanib, ularga Liga bilan hamkorlik uchun minnatdorchilik bildiramiz va faoliyatlariga omad tilaymiz. Eng yaxshilarni esa tez orada e’lon qilamiz.
