Liga tomonidan o‘tkazilgan Birinchilik kubogida 12 ta jamoa ishtirok etgandi. Yakunda Toshkentning Bunyodkor-farm va Olimpik-farm jamoalari finalga qadar etib keldi.
Final uchrashuvi Bunyodkor akademiyasiga qarashli maydonda 25-noyabr kuni bo‘lib o‘tadi. Shu kuni Bunyodkor stadionida ayollar o‘rtasidagi O‘zbekiston kubogining final uchrashuvi ham o‘tkazilishi inobatga olinib, Birinchilik kubogining finali 12:00 da start olishi belgilandi.
Birinchilik kubogi g‘olibi Proliga yo‘llanmasi uchun o‘tish o‘yinida Birinchi liga g‘olibi Yangiyerga qarshi kurash olib boradi. O‘tish o‘yini 30-noyabr kuni bo‘lib o‘tadi.
Birinchilik kubogidagi barcha natijalar bilan mazkur havolada tanishib olishingiz mumkin.
