Coca-Cola Superliga 24-turidan o‘rin olgan “Qizilqum” – “Andijon” (3:0) uchrashuvidan so‘ng mezbonlar bosh murabbiyi Jamshid Saidov o‘z fikrlarini bildirib o‘tdi.
“Uchrashuv muhim ahamiyatga ega ekanligini bilar edik. “Olimpik”ga qarshi kechgan omadsiz bellashuvdan so‘ng futbolchilar mas’uliyatni his qilib turishgan edi. Yigitlar ko‘rsatmalarimni bajarishdi va ulardan minnatdorman.
Hisob yirik ko‘rinish olishini kutmagan edim deya olmayman, ammo faqat g‘alabaga umid qilgandim.
Akaki bizning hujumdagi asosiy futbolchilarimizdan biri sanaladi va bugun ham uning jamoamizga foydasi katta bo‘ldi. Umuman, hali hech narsaga erishmadik. Oldinda ikkita uchrashuv kutib turibdi va ularda maksimal darajada kurashamiz”, – dedi Saidov.
