Coca-Cola Superliga 12-turida o‘z maydonida “Neftchi” bilan durang o‘ynagan “Qizilqum” klubi murabbiyi Tachmurod Agamurodov yo‘qotishlar va durang yaxshi natija ekani haqida fikr bildirdi.
“Avvalgi o‘yinlarda maydondan chetlatilgan va jarohat olgan futbolchilarsiz bugun jiddiy raqibga qarshi qiyin o‘yin kechishini bilardik. Shunga qaramay, harakat qildik va ularning kuchsizroq jihatlaridan foydalanishni istagan edik. Yakunda durang o‘ynadik va bugungi vaziyatimiz va tarkibimizdan kelib chiqsak – biz uchun durang yaxshi natija”.
“Ligadagi o‘rnimizni saqlab qolish uchun albatta harakat qilamiz. Buning uchun yozda tarkibni biroz kuchaytirib olishimiz kerak. Bu borada ishlar ketayapti”.
