Coca-Cola Superliga 9-turidan o‘rin olgan “Bunyodkor” – “Olimpik” (1:1) uchrashuvdan so‘ng mezbonlar bosh murabbiyi Murod Otajonov o‘z fikrlarini bildirib o‘tdi.
“O‘yin bizga yoqdi. Bunday bahslar qancha ko‘p bo‘lsa, jamoaga ham shunacha foyda. Jangovar durang guvohi bo‘ldik. Umid Sultonovda qulay imkoniyat bo‘ldi, undan keyin ham, “Olimpik”da ham golli vaziyatlar bo‘ldi. Shu sabab, durang adolatli bo‘ldi deb hisoblayman. Ikkinchi taymda bir qator o‘zgarishlarni amalga oshirdik va o‘yinni kuchaytirishga harakat qildik” – dedi Otajonov.
