Kecha — 26-mart kuni Birinchi liga qanday formatda o‘tkazilishi masalasiga aniqlik kiritilgandi. Bugun esa musobaqa taqvimi aniq bo‘ldi. Mazkur havola yordamida Liga tomonidan o‘tkaziladigan musobaqalar taqvimi bilan tanishib olishingiz mumkin.
Unga ko‘ra, Birinchi liga 8-aprel kungi o‘yinlar bilan start oladi. So‘nggi ikki mavsumda bo‘lgani kabi musobaqa bellashuvlari asosan shanba va yakshanba kunlari o‘tkaziladi. Superliga jamoalari bilan o‘yinlar yoki shaharlar kesishuvi ro‘y bersa, shuningdek, O‘zbekiston kubogidagi o‘yinlar sabab Liga Birinchi liganing biror uchrashuvini haftaning boshqa sanasiga surishi mumkin.
Rejaga ko‘ra, Birinchi liga yakuniga etganidan so‘ng Birinchilik kubogi start oladi. Bu hozircha 7-oktyabrga to‘g‘ri kelmoqda. Musobaqaning final uchrashuvi 19-noyabrga tayin qilingan.
