Respublika futbol bo‘yicha sport mahoratini oshirish oliy maktabi qoshida tashkil etilgan “Chig‘atoy” futbol jamoasi 2023-yilgi mavsumda ham Birinchi liga musobaqasida ishtirok etadi.
“Chig‘atoy” futbol jamoasi RFSMOOMning yuridik shaxs maqomiga ega bo‘lmagan alohida bo‘linmasi sifatida tashkil etilgan bo‘lib, uning faoliyati O‘zbekiston futbol assotsiatsiyasi bilan kelishilgan. Jamoa 2019-yilgi mavsumdan buyon Birinchi liga ishtirokchisi hisoblanadi. 2023-yilgi mavsum “Chig‘atoy” uchun qatorasiga beshinchisi bo‘lib tarixga kiradi.
