“Nurafshon-2022” o‘tgan mavsum Buxoro futbol assotsiatsiyasi tomonidan o‘tkazilgan Ikkinchi liga musobaqasida g‘oliblikni qo‘lga kiritgan. Mavsum so‘ngida Buxoro mezbonlik qilgan pulka musobaqasida ham bosh sovringa ega chiqib, Liga tomonidan o‘tkaziladigan Birinchi liga musobaqasida ishtirok etish imkoniyatini qo‘lga kiritgan.
Endilikda Buxoro shahri sharafini himoya qiluvchi jamoa talab etilgan hujjatlarni Ligaga taqdim etdi hamda birinchilik qatnashchilari safiga qo‘shildi. Jamoa uy uchrashuvlarini “Umid” qarorgohida o‘tkazishi rejalashtirilgan.
“Nurafshon-2022” jamoasi 2023-yilgi mavsum Birinchi ligada shartli ravishda ishtirok etishini unutmaslik kerak. Yil so‘ngida barcha jamoalar qatori “Nurafshon-2022” jamoasining moliyaviy hisoboti qay tariqa yuritilishi o‘rganiladi. Bunda minimal talablarning qay tariqa bajarilishi muhim ahamiyat kasb etadi.
