13-14-avgust kuni Birinchi ligada 15-tur uchrashuvlari bo‘lib o‘tadi va shu bilan musobaqada I davra bellashuvlari yakuniga etadi. Avvalroq “Neftgazmontaj” hamda “Lochin” jamoalari musobaqadan chiqib ketgani haqida xabar bergandik.
Mazkur ikki jamoaning musobaqa bilan erta xayrlashishi sabab ayrim turlarda ayrim jamoalarda o‘yin amaliyoti bo‘lmayapti. Shundan kelib chiqib, O‘zPFL barcha jamoalarga xat chiqarib, ularni avvaldan xabardor qilgan holda II davra uchun alohida qur’a tashlanishini bildirgandi. Bunda format 14 ta klubga moslab olinadi va oldinda biror jamoa musobaqani erta yakunlamasa, har bir jamoada har turda mayonga chiqish imkoniyati saqlanib qoladi.
Qur’a 16-avgust kuni soat 11:00 da bo‘lib o‘tadi hamda u O‘zPFL rasmiy sahifalari orqali jonli efirga olib chiqiladi.
P.S. “Paxtakor-79” hamda “Qumqo‘rg‘on” jamoalariga moliyaviy shartlarni bajarish uchun 15 avgust sanasiga qadar muhlat berilgan. Bu vaqt ichida talab bajarilmasa, birinchilik 12 ta jamoa bilan davom ettirilishi ham mumkin.
