Tashkil etilganiga hali ko‘p bo‘lmagan "Turon" futbol klubi bugun o‘zining yangi zamonaviy qarorgohiga ega bo‘ldi.
Bugun Yaypanda “Turon” futbol klubi qarorgohi ochilish marosimi o‘tkazildi. Unda Farg‘ona viloyati hokimi Xayrullo Bozarov, futbol jamoatchiligi vakillari, o‘zbek futboli fidoyilari, OAV xodimlari ishtirok etishdi.
“Turon” klubining yangi qarorgohi zamonaviy uslubda qurib bitkazildi. Unda 65 o‘ringa mo‘ljallangan yotoqxona, futbolchilar va klub vakillari uchun oshxona, mashg‘ulot zali, tibbiyot xonasi, o‘quv xonalari mavjud.
Endilikda yaypanliklarning asosiy va yoshlar tarkiblari mana shu qarorgohda istiqomat qilib, uchrashuvlarga hozirlik jarayonini olib borishadi.
