2022-yilgi mavsumda Superliga va Pro liga klublarining 19 yoshgacha bo‘lgan tarbiyalanuvchilaridan iborat jamoalari U-19 chempionatida ishtirok etishadi.
Musobaqa xuddi o‘tgan mavsumda U-18 chempionatida bo‘lgani kabi Superliga va Pro liga klublarining U-19 jamoalari uchun umumiy tarzda tashkil etiladi hamda bundan buyon 19 yoshlilar toifasida o‘tkazib boriladi. Bunda har bir jamoa mavsum davomida bir-biriga qarshi o‘zaro bir martadan maydonga tushadi. Chempionatning uy-safar o‘yinlari Berger tizimiga ko‘ra tashlangan qur’a orqali aniqlanadi.
U-19 chempionatining 1-tur uchrashuvlari 5-aprel sanasidan start olishini inobatga olib, O‘zPFL 23-mart kuni mazkur musobaqaga qur’a tashlash marosimini o‘tkazadi. Qur’a soat 16:00 da start oladi va O‘zPFLning Telegram va Youtube kanallari orqali jonli efirda namoyish etiladi.
