21 yoshlilar chempionatida navbatdagi kun o‘yinlari o‘tkazildi. Ikkita uchrashuvning ikkalasida ham durang qayd etildi. O‘z maydonida “Qo‘qon-1912”ni qabul qilgan “Navbahor” g‘alabaga teng durangni qabul qilib oldi. Sababi, birinchi bo‘limning o‘zida mehmonlar ikkita gol farqi bilan hisobda oldinga chiqib olishgandi, mezbonlar esa ketma-ket uchta gol urishib, bo‘limning o‘zida hisobni o‘z foydalariga ag‘darishgandi. Ikkinchi bo‘limda tomoshabinlar bitta gol ko‘rishdi – qo‘qonliklar hisobni tenglashtirishdi. Vaholanki, mehmonlar ortlariga g‘alaba bilan qaytishlari mumkin edi, biroq ular tomonidan tepilgan ikkita penaltini darvozabon Ozodbek Ma’rupov mahorat bilan qaytarishga erishdi. “Dinamo” va “Qizilqum” uchrashuvida esa hisob ochilmadi. Mazkur natijalardan so‘ng “Navbahor”, “Qo‘qon-1912” va “Dinamo” jamoalari bir xil natija ko‘rsatib, turnir jadvalida ham birin-ketin turishibdi.
U-21. 3-tur.
18 mart, juma
NAVBAHOR – QO‘QON-1912 – 3:3 (3:2).
Namangan. “Markaziy” stadion zaxira maydoni. 359 tomoshabin.
Hakamlar: Husan Muzaffarov, Islomjon Nosirov, Bobur Ibrohimov
Nazoratchi: Bobur Haydarov
Komissar: Jahongir Rahmatullayev
Gollar: Murodjon Komilov, 5 (0:1), Xabibjon Sharipov, 13 (0:2), Javohir Husanov, 28-pen. (1:2), Asadbek Jo‘raboyev, 32 (2:2), Navro‘zbek Iminjonov, 42 (3:2), Murodjon Komilov, 76 (3:3)
Amalga oshirilmagan penalti: Diyorbek Jaloldinov, 3, Muhsinjon Normatov, 70 (ikkalasi ham “Qo‘qon-1912”dan)
Ogohlantirishlar: Javohir Husanov, 37, Asadbek Jo‘raboyev, 67, Dostonbek Abdulxayev, 85, Doniyorbek Mirzaqayumov, 90+3 – Abdullajon Yunusov, 27, Aziz To‘xtaboyev, 29 (murabbiy), Muhammadrizo Vaxobov, 61, Rasuljon Abdurahmonov, 70
Chetlatish: Yo‘q - Rasuljon Abdurahmonov, 78 (ikkinchi sariq)
DINAMO – QIZILQUM – 0:0.
Samarqand. “Dinamo” stadioni. 378 tomoshabin.
Hakamlar: Sultonmurod Abdurahmonov, Aziz Axtamov, Abror To‘ychiyev
Nazoratchi: Oleg Dachev
Komissar: Jamshid Imamov
Ogohlantirishlar: Doston Foteyev, 25, Jasur Hamroyev, 58 (bosh murabbiy), Javlonbek Malikov, 77 - Xo‘jamurod Tursunov, 30, Azamatxon Maksumov, 40.
