21 yoshlilar musobaqasining dastlabki tur o‘yinlari nihoyasiga yetdi. Bugun o‘tkazilgan ikki uchrashuvning birida mehmonlar g‘alaba qozonishdi, ikkinchisida durang qayd etildi. “Lokomotiv” yoshlari safarda to‘p surishlariga qaramay, “Qizilqum”ni mag‘lub eta oldi. Navoiyliklar ramziy ma’noda o‘z maydoni sifatida Olmaliqda kechgan o‘yinda yirik hisobda imkoniyatni boy berib qo‘ydi. Ikkinchi o‘yinda turdagi yagona durang kuzatildi. Qiziq tomoni, birinchi bo‘limda olmaliqliklar ikkita to‘p farqida oldinda borishdi, ikkinchi bo‘limda esa o‘z darvozalaridan shuncha gol o‘tkazib yuborishdi. Har ikkala tomon ham bittadan gollarini penaltidan urishdi. Shu tariqa birinchi turdan keyin oltita jamoa uch ochko to‘pladi, faqat gollar soni bo‘yicha “Paxtakor” turnir jadvalida yetakchilik qilyapti. Yana shuncha jamoada hozircha ochko yo‘q. “Paxtakor”dan 0:5 hisobida yengilgan “Dinamo” quyidan “karvonboshi” bo‘lib turibdi.
U-21. 1-tur.
5 mart, shanba
QIZILQUM – LOKOMOTIV - 1:4 (1:3).
Olmaliq. OTMK sport majmuasi. 58 tomoshabin.
Hakamlar: Husan Muzaffarov, Aziz Karimov, Ilhom Abdulakov
Nazoratchi: Dmitriy Roman
Komissar: Aleksandr Davidenko
Gollar: Ismoil Abdurahmonov, 6 (0:1), Ali Abdurahmonov, 20 (0:2), Azamat Abduxalilov, 29 (0:3), Gabriel Gonzalo, 39-pen. (1:3), Otabek Turopov, 90+3 (1:4)
Ogohlantirishlar: Abduvosidxon Abdurashidov, 85 – Sherzodjon Komilov, 27, Javohir Jo‘rayev, 58
Chetlatish: Og‘abek Tojiyev, 81 – yo‘q.
METALLURG – AGMK – 2:2 (0:2).
Bekobod. “Metallurg” stadioni. 78 tomoshabin.
Hakamlar: Sanjar Nazarov, Mirjalol Orzidinov, Artem Snetkov
Nazoratchi: Bobur Haydarov
Komissar: Vladimir Nazarov
Gollar: Nodirbek Abdurazzoqov, 33 (0:1), Sunnatillo Abdug‘aniyev, 45+2-pen., (0:2), Shaxzodjon Ne’matjonov, 58 (1:2), Farruhbek Xojibekov, 76-pen. (2:2).
Ogohlantirishlar: Farruhbek Xojibekov, 15, Ravshan Xayrullayev, 18, Abduvohid Oxtoyev, 23, Daler Sharipov, 88 – Ixtityor Xolmo‘minov, 53, Boburbek Sobirov, 64, Ahmadullo Muqimjonov, 75, Iskandar Businov, 88.
