Mamlakat chempionatining sakkizinchi tur o‘yinlari nihoyasiga yetdi. Bugungi uchrashuvlar orasida ayniqsa, “Metallurg” va “Stroitel-Zarafshon” jamoalari o‘yini qiziqarli bo‘ldi. Birinchidan, o‘tgan turda namanganliklardan uch ochko “tortib olgan” zarafshonliklar bekobodliklardan ham bir ochko “urib” qoldi. Eng qizig‘i, “Metallurg” darvozaboni Islombek Biyto‘rayev o‘yinning birinchi daqiqasidayoq raqiblar darvozasini ishg‘ol etib, hisobni ochib bergandi, uning o‘zi so‘nggi daqiqada qizil kartochko olib, maydonni tark etdi.
8-turning so‘nggi uch kunida ishtirok etgan oltilik ichida yuz foizli natija qayd etgan jamoaning o‘zi bo‘lmadi, hattoki yuz foizli “antinatija” ham yo‘q. Shu tariqa 8-turdan keyin “Huaxin-Jizzax” jamoasi 22 o‘yindan 60 ochko to‘plagan holda karvonboshilik qilyapti. AGMK jamoasi 56 ochko bilan ikkinchi, “Lokomotiv” jamoasi esa 48 ochko bilan uchinchi o‘rinda boryapti. So‘nggi pog‘onalarni “Dinamo” (17 ochko) va “Stroitel-Zarafshon” (11 ochko) jamoalari “band” etib turishibdi.
Futzal. Oliy liga. 8-tur.
Oltinchi kun. 26 fevral, shanba
Farg‘ona. “Samo” sport majmuasi.
MAKSAM-ChIRChIQ – DINAMO – 4:2 (1:1). 13 tomoshabin.
Hakamlar: Sultonmurod Abdurahmonov, Umid Po‘latov, Nikita Afinogenov
Nazoratchi: Valentin Shashkov
Komissar: Rustam Zuparov
Gollar: Bekzod Jumaboyev (13), Dilshod Fayziyev (24), Timur To‘raqulov (33), Husanxon G‘aniyev (34) – Daler Eshonqulov (12, 40)
Ogohlantirishlar: Timur To‘raqulov (9), Husanxon G‘aniyev (32) – Ikrom Karimov (32), Muhammad Rajabov (32).
METALLURG – STROITELЬ-ZARAFShON – 5:5 (3:2). 23 tomoshabin.
Hakamlar: Murotxon A’zamxonov, Sanjar Rahmonov, Umid Po‘latov
Nazoratchi: Valentin Shashkov
Komissar: Rustam Zuparov
Gollar: Islombek Biyto‘rayev (1), Akmaljon Ma’rifaliyev (10, 17, 38), Temur Saydullayev (34) – Abdurashid Valixonov (7), Odilxon Xoliqov (19), Nurali Isaqov (22), Jasur Haydarqulov (24), Mahmudjon Najmiddinov (31)
Ogohlantirishlar: Ulug‘bek Xudoyorov (39) – Mahmudjon Najmiddinov (27).
Chetlatish: Islombek Biyto‘rayev (40) – yo‘q.
NAVBAHOR – PAXTAKOR – 2:3 (2:1). 95 tomoshabin.
Hakamlar: Nikita Afinogenov, Shavkat Muhiddinov, Murotxon A’zamjonov
Nazoratchi: Valentin Shashkov
Komissar: Rustam Zuparov
Gollar: Burxoniddin Sodiqov (18), Dovudxon Sadriddinov (19), Islombek Jo‘rayev (33-darv.) – Alisher Ibrohimov (2), Dilshod Irsaliyev (36)
Ogohlantirishlar: Dovudxon Sadriddinov (12), Ilhom Yusupjonov (36), Hakimjon Abdurashidov (37) – Sherzod Mustafoyev (7).
