Futzal bo‘yicha mamlakat chempionati Oliy ligasining 8-tur o‘yinlari davom ettirildi. Bugun liganing qolgan olti jamoasi bahslarga kirishdi. Deyarli teng kurashlar ostida o‘tgan “Navbahor” va “Dinamo” jamoalari o‘rtasidagi o‘yinda namanganliklar raqiblariga hech qanday imkoniyat qoldirishmadi. Huddi shunday vaziyat “Maksam-Chirchiq”ning “Stroitel-Zarafshon” jamoasi ustidan yirik hisobdagi g‘alabasida ham kuzatildi. Tomoshabop o‘yin esa kunning so‘nggisida yuz berdi. “Metallurg” va “Paxtakor” jamoalarining raqiblar darvozasiga kiritgan gollari soni bir xilda bo‘ldi – 2:2. Biroq bekobodliklarning birinchi bo‘lim so‘nggi daqiqasida o‘z darvozasini ishg‘ol etishi o‘ziga “qimmatga” tushdi, toshkentliklarga esa muhim uch ochkoni taqdim etdi.
Futzal. Oliy liga. 8-tur.
To‘rtinchi kun. 24 fevral, payshanba
Farg‘ona. “Samo” sport majmuasi.
NAVBAHOR – DINAMO – 3:0 (2:0). 38 tomoshabin.
Hakamlar: Jamoliddin Qosimov, Mahmudjon Rustamov, Husan Muzaffarov
Nazoratchi: Valentin Shashkov
Komissar: Jahongir Rahmatullayev
Gollar: G‘ulomjon Mamajonov (5), Hakimjon Abdurashidov (20), Farhodjon Shokirov (38)
Ogohlantirish: Yo‘q – Mehroj Almamedov (25).
MAKSAM-CHIRCHIQ – STROITELЬ-ZARAFSHON – 7:1 (3:1). 46 tomoshabin.
Hakamlar: Husan Muzaffarov, Rustam Tog‘ayev, Sultonmurod Abdurahmonov
Nazoratchi: Valentin Shashkov
Komissar: Jahongir Rahmatullayev
Gollar: Bekzod Jumaboyev (9), A’zam Saidahmatov (12), Dilshod Fayziyev (21), Javlon Anorov (27), Abdulla Miyassarov (29), Botirbek Rizayev (33) – Shukurjon Mashrabboyev (17), Abdurashid Valixonov (18-o‘z darv.)
Ogohlantirishlar: Ashurbek To‘lqinov (20), Bekzod Jumaboyev (29) – Nurillo Isaqov (24)
Chetlatish: Yo‘q – Nurillo Isaqov (25, ikkinchi sariq).
METALLURG – PAXTAKOR – 4:5 (2:3). 28 tomoshabin.
Hakamlar: Sultonmurod Abdurahmonov, Shavkat Muhiddinov, Jamoliddin Qosimov
Nazoratchi: Valentin Shashkov
Komissar: Jahongir Rahmatullayev
Gollar: Farhod Qodirov (9, 32), Maxsud Fayzullayev (11, 38), Islombek Biyto‘rayev (19-o‘z darv.) – Muhammad Zoirov (7), Alisher Ibrohimov (14), Dilshod Irsaliyev (24), Sevastyan Mojayev (37)
Ogohlantirishlar: Ulug‘bek Xudoyorov (25) – Shoislom Shobahromov (32), Sunnatjon Anvarov (32).
