Toshkent shahridagi “Yunusobod” sport majmuasida uch kun davom etgan mamlakat chempionatining 5-tur o‘yinlari nihoyasiga yetdi. Ishtirokchi o‘n ikkita jamoa ikkitadan o‘yin o‘tkazdi. “Huaxin-Jizzax”, “Paxtakor” va “Navbahor” jamoalari har ikkala o‘yinlarida g‘alaba qozonishdi, aksincha, “Neftchi”, “Nasaf” va “Dinamo” jamoalari birorta ham ochko ishlay olmadi. Chempionlikka asosiy da’vogarlar AGMK va “Lokomotiv” jamoalarining o‘zaro bahsida esa durang qayd etildi. Uchinchi kungi uchrashuvlarni bashorat qilganlar deyarli adashishmadi. Teng kurashlar ostida o‘tgan “Metallurg” va “Maksam-Chirchiq” o‘yinida durang qayd etilganini inobatga olmaganda qolgan o‘yinlarda kuchli deya e’tirof etiladigan jamoalar zafar quchishdi. Shu tariqa turnir jadvalida 34 ochkodan jamg‘argan AGMK va “Lokomotiv” jamoalari peshqadamlik qilishyapti, “Huaxin-Jizzax” esa ulardan atigi bir ochko ortda boryapti. Jadvalning so‘nggi pog‘onalarini “Stroitel-Zarafshon” va “Dinamo” jamoalari 4 ochkodan jamg‘argan holda “band” etib turishibdi. Chempionatning 6-tur uchrashuvlari 19-21 yanvar kunlari Jizzax va Olmaliq shaharlarida tashkil etilishi rejalashtirilgan.
Futzal. Oliy liga
Toshkent. “Yunusobod” s.m. 5-tur.
Uchinchi kun. 15 yanvar, shanba
METALLURG – MAKSAM-CHIRCHIQ – 3:3 (3:0)
Hakamlar: Sultonmurod Abdurahmonov, Aziz Karimov, Ilhom Abdulakov
Nazoratchi: Sergey Petrov
Komissar: Jamshid Imamov
Gollar: Temur Saydullayev (7), Islombek Biyto‘rayev (13, 16) – Javlon Anorov (26), Timur To‘raqulov (36), Botir Rizayev (37)
Ogohlantirishlar: Yo‘q – Botir Rizayev (11), Husanjon G‘aniyev (37), Timur To‘raqulov (o‘yindan keyin).
STROITELЬ – PAXTAKOR – 2:6 (1:2). 73 tomoshabin.
Hakamlar: Husan Muzaffarov, Oybek Kallaxo‘jayev, Ziyovuddin Erkinov
Nazoratchi: Valentin Shashkov
Komissar: Jamshid Imamov
Gollar: Jasur Haydarqulov (26) – Alisher Ibrohimov (15), Feruz Faxriddinov (16), Sunnatjon Anvarov (19-o‘z darv.), Muhammad Zoirov (22), Konstantin Sviridov (30, 40), Akmal Elmurodov (33)
Ogohlantirish: Yo‘q - Konstantin Sviridov (10).
NASAF – AGMK – 2:4 (1:3).
Hakamlar: Sanjar Nazarov, Ziyovuddin Erkinov, Nikita Afinogenov
Nazoratchi: Timur Abdullaev
Komissar: Jamshid Imamov
Gollar: Mamasharif Xalimov (2), Jasur Xalimov (21) – Sunnatulla Jo‘rayev (5), Avazbek Abduvaliyev (9, 26), Isaxon Ibrohimov (11)
Ogohlantirishlar: Oybek Polvonov (7), Jasur Xalimov (38), Alisher Yusupov (38, bosh murabbiy) - Davron Valijonov (40).
HUAXIN – BUNYODKOR – 6:1 (3:1). 55 tomoshabin.
Hakamlar: Nikita Afinogenov, Rustam Tog‘aev, Shavkat Muhiddinov
Nazoratchi: Baxtiyor Namozov
Komissar: Jamshid Imamov
Gollar: Husniddin Nishonov (3), Ilhomjon Hamroyev (12), Ixtiyor Ropiyev (34), Davron Choriyev (34) – Muhammadbobur Rahmonberdiyev (7)
Ogohlantirish: Yo‘q - yo‘q.
