Jizzaxdagi “So‘g‘diyona” sport majmuasida davom etayotgan futzal bo‘yicha mamlakat chempionatining 4-tur doirasidagi ikkinchi kun o‘yinlari o‘tkazildi. Nafaqat turning, balki birinchi davraning eng markaziy uchrashuvlaridan birida shov-shuvli natija qayd etildi. Mavsum boshlangandan beri birorta ham ochko yo‘qotmay kelayotgan “Lokomotiv” aynan AGMKga qarshi o‘yinda engildi. Olmaliqliklar raqiblarini yirik hisobda mag‘lub etishning uddasidan chiqishdi. “Temiryo‘lchilar”ning mohir darvozaboni, Jahon chempionati qahramonlaridan biri Ravshan Eliboyevning o‘z darvozasini nishonga olishi ham AGMKning yirik natijasiga “hissa qo‘shdi”. “Neftchi” “Bunyodkor” uchrashuvida farg‘onaliklar ishonchli g‘alabaga erishishdi. Vaholanki, o‘yinda birinchi bo‘lib “qaldirg‘ochlar” hisobni ochishgandi. Teng kurashlar ostida o‘tgan ikki o‘yinda “Paxtakor” “Dinamo”dan, “Maksam-Chirchiq” esa “Navbahor”dan ustun keldi.
Futzal. Oliy liga
Jizzax. “So‘g‘diyona” s.m. 4-tur.
Ikkinchi kun. 23 dekabr, payshanba
LOKOMOTIV – AGMK – 1:5 (1:1). 73 tomoshabin.
Hakamlar: Sultonmurod Abdurahmonov, Shavkat Muhitdinov, Anatoliy Rubakov
Nazoratchi: Baxtiyor Namozov
Komissar: Rustam Zuparov
Gollar: Dilmurod Shavkatov (3), Ravshan Eliboyev (38-o‘z darv.) – Abdulla Shoimov (19), Artur Yunusov (21), Avazbek Abduvaliyev (33), Muzaffar Ahadjonov (35)
Amalga oshirilmagan penalti: Dilmurod Shavkatov (40, “Lokomotiv”)
Ogohlantirishlar: Farhod Mirahmedov (15, murabbiy), Mashrab Odilov (21), Jamoliddin Sharipov (21) – Sunnatilla Jo‘rayev (15).
DINAMO – PAXTAKOR – 3:5 (1:3). 30 tomoshabin.
Hakamlar: Nikita Afinogenov, Jahongir Allayev, Shavkat Muhitdinov
Nazoratchi: Baxtiyor Namozov
Komissar: Rustam Zuparov
Gollar: Shahram Faxriddinov (12), Daler Eshonqulov (22, 39) – Akmal Elmurodov (8), Muhammad Zoirov (15, 28), Konstantin Sviridov (18), Ilhom Komilov (40)
Ogohlantirishlar: Daler Eshonqulov (12), Mehroj Xudoyberdiyev (40) – Akmal Elmurodov (16), Shuhrat Toshmedov (25, bosh murabbiy).
NEFTChI – BUNYoDKOR – 6:4 (1:1). 53 tomoshabin.
Hakamlar: Askarbay Arzibekov, Farruh Muzaffarov, Husan Muzaffarov
Nazoratchi: Sherqul Allayev
Komissar: Jamshid Imamov
Gollar: Shuhratbek Rashidov (19, 26, 30), Ilhomjon Abdig‘aniyev (21), Dilmurod Yusufjonov (31), Elyor Domlayev (37) – Umidjon Zayniddinov (17, 24), Xayrulla Solixov (35), Olimjon Vohidov (39)
Ogohlantirishlar: Ilhomjon Abdig‘aniyev (12), Jahongir Maxsudov (24) – Umidjon Zayniddinov (33).
NAVBAHOR – MAKSAM-ChIRChIQ – 4:6 (2:4). 43 tomoshabin.
Hakamlar: Husan Muzaffarov, Umid Po‘latov, Askarbay Arzibekov
Nazoratchi: Baxtiyor Namozov
Komissar: Jamshid Imamov
Gollar: G‘ulom Mamajonov (17, 40), Dovudxon Sadriddinov (19), Ahmadxon Mamadaliyev (34) – Bekzod Jumaboyev (3), A’zam Saidahmatov (11), Botirbek Rizayev (14, 19), Sirojiddin Shokirov (32), Husanxon G‘aniyev (39)
Ogohlantirishlar: Ilyos Mallayev (9), Ahmadxon Mamadaliyev (15) – Timur To‘raqulov (15).
