Olmaliqdagi “OTMK” sport majmuasida deyarli bir hafta davom etgan futzal bo‘yicha mamlakat chempionatining uchinchi tur o‘yinlari nihoyasiga yetdi. Olti kun ichida o‘n sakkizta o‘yin o‘tkazildi. Shundan o‘n ettitasida kimdir yutuqqa erishdi, kimdir mag‘lubiyatga uchradi. Yagona durang natija esa bugun – “Bunyodkor” va “Metallurg” jamoalari o‘rtasida qayd etildi. Aslida “qaldirg‘ochlar” ilk daqiqadayoq hisobni ochishgandi, keyingi ikki daqiqa ichida bekobodliklar ikkita gol kiritishib, hisobda oldinga chiqib olishdi. Birinchi bo‘lim oxiriga qadar “Metallurg” yana ikkita gol kiritdi. Ikkinchi bo‘limda esa tashabbus toshkentliklar tomonida bo‘ldi, bunga birinchi bo‘lim o‘rtalarida “Metallurg”ning tajribali darvozaboni Akmal Xazratqulovning maydondan chetlashtirilishi raqiblarga ancha “qo‘l keldi”. Teng kurashlar ostida o‘tgan vodiy derbisida omad farg‘onaliklarga kulib boqdi – “Neftchi” “Navbahor”ni 4:1 hisobida mag‘lubiyatga uchratdi. Kunning so‘nggi o‘yinida “Huaxin-Jizzax” “Maksam-Chirchiq”ga hech qanday imkoniyat qoldirmadi – 4:2.
Futzal. Oliy liga
Olmaliq. “OTMK” s.m. 3-tur.
Oltinchi kun. 7 dekabr, seshanba
BUNYODKOR – METALLURG – 4:4 (2:4). 33 tomoshabin.
Hakamlar: Nikita Afinogenov, Umid Po‘latov, Ilhom Abdulakov
Nazoratchi: Sergey Petrov
Komissar: Jamshid Imamov
Gollar: Muhammadbobur Rahmonberdiyev (1), Umidjon Zayniddinov (14), Mirzohid Haydarxo‘jayev (35, 37-pen.) – Farhod Qodirov (2, 3, 17), Ilhom Rajabov (7)
Ogohlantirishlar: Muhammadbobur Rahmonberdiyev (32) – Farhod Qodirov (36), Ravshan Rajabov (37, bosh murabbiy)
Chetlatish: Yo‘q - Akmaljon Xazratqulov (12).
NEFTCHI – NAVBAHOR – 4:1 (1:1). 33 tomoshabin.
Hakamlar: Furqat Azizov, Anatoliy Rubakov, Nikita Afinogenov
Nazoratchi: Sergey Petrov
Komissar: Jamshid Imamov
Gollar: Shuhratbek Rashidov (12, 34), Vladen Norov (29), Ilhomjon Abdug‘aniyev (31) – Ilyos Mallayev (4)
Ogohlantirishlar: Ilhomjon Abdug‘aniyev (30), Jahongir Mahsudov (30) – Ahmadjon Mamadaliyev (10), Burxoniddin Sodiqov (30), Dovudxon Sadriddinov (36).
HUAXIN-JIZZAX – MAKSAM-CHIRCHIQ – 4:2 (3:2). 27 tomoshabin.
Hakamlar: Shavkat Muhiddinov, Husniddin Bahodirov, Ilhom Abdulakov
Nazoratchi: Sergey Petrov
Komissar: Rustam Zuparov
Gollar: Husniddin Nishonov (2), Ixtiyor Ropiyev (10), Elbek To‘lqinov (18), Dilshod Rahmatov (32) – Said Rizo Mirsharopov (6), Ashurbek To‘lqinov (9)
Ogohlantirishlar: Yo‘q -yo‘q.
