Olmaliqdagi “OTMK” sport majmuasida davom etayotgan futzal bo‘yicha mamlakat chempionatining uchinchi tur o‘yinlari qizig‘andan qiziyapti. Bugun nihoyasiga etgan beshinchi kungi uchrashuvlar ham muxlislarda iliq taassurot qoldirdi. Kunning dastlabki o‘yini kutilmagan natija bilan yakun topdi. Kecha chempionlikka asosiy da’vogar “Huaxin-Jizzax” jamoasini yirik hisobda mag‘lub etgan “Metallurg” bugun “Neftchi”ga imkoniyatni boy berdi. Vaholanki, bekobodliklar uchrashuvning dastlabki daqiqasidayoq hisobni ochgandi. Qiziq tomoni, darvozalarga kiritilgan 13ta gollarning uchdan birini futzalchilar o‘z darvozalariga yo‘llashdi – “Metallurg”da uchta, “Neftchi”da esa bitta “avtogol”. “Maksam-Chirchiq” va “Bunyodkor” jamoalari o‘yini teng kurashlar ostida o‘tdi. E’tiborli jihati, uchrashuvning dastlabki daqiqasida hisobni ochgan chirchiqliklar raqib darvozasini boshqa ishg‘ol eta olishmadi, “qaldirg‘ochlar”ning uchinchi goli esa o‘yin tugashini bildiruvchi xushtak bilan bar-baravar yuz berdi. Kunning so‘ngi o‘yini boshi ham qiziq tus olgandi. “Navbahor” ikkinchi daqiqadayoq “Huaxin-Jizzax” darvozasiga gol kiritdi, keyin hisob tenglashdi, ko‘p o‘tmay namanganliklar yana hisobda oldinga chiqishdi. Buyog‘iga tajriba o‘z so‘zini aytdi – Bahodir Ahmedov shogirdlari kechagi mag‘lubiyatdan to‘g‘ri xulosa chiqargan holda tashabbusni o‘z qo‘llariga olishdi va yirik hisob qayd etishdi.
Futzal. Oliy liga
Olmaliq. “OTMK” s.m. 3-tur.
Beshinchi kun. 6 dekabr,du shanba
METALLURG – NEFTChI – 6:7 (1:4). 23 tomoshabin.
Hakamlar: Jasur Tursunboev, Aziz Karimov, Sultonmurod Abdurahmonov
Nazoratchi: Baxtiyor Namozov
Komissar: Rustam Zuparov
Gollar: Farhod Qodirov (1), Sanjar Ziyoxonov (18-o‘z darv., 38), Maxsud Fayzullaev (23-o‘z darv.), Temur Saydullaev (25, 32-o‘z darv., 40), Islombek Biyto‘raev (40) - Shuhratbek Rashidov (10), Dilmurod Yusubjonov (14, 27-o‘z darv.), Ilhomjon Abdug‘aniev (19, 28)
Ogohlantirish:Akmaljon Hazratqulov (19) – yo‘q.
MAKSAM-ChIRChIQ – BUNYoDKOR – 1:3 (1:1). 52 tomoshabin.
Hakamlar: Husan Muzaffarov, Ziyovuddin Erkinov, Jasur Tursunboev
Nazoratchi: Baxtiyor Namozov
Komissar: Rustam Zuparov
Gollar:A’zam Saidaxmatov (1) – Mirzohid Xaydarxo‘jaev (14, 33), Umidjon Zayniddinov (40)
Ogohlantirish: Bekzod Jumaboev (22) – yo‘q.
NAVBAHOR – HUAXIN-JIZZAX – 3:7 (2:4). 37 tomoshabin.
Hakamlar: Sultonmurod Abdurahmonov, Adham Rixsiboev, Ziyovuddin Erkinov
Nazoratchi: Baxtiyor Namozov
Komissar: Jamshid Imamov
Gollar: Hakimjon Abdurashidov (2), Farhod Shokirov (8), Ahmadxon Mamadaliev (36) – Davron Choriev (4, 32), Ilhomjon Hamroev (10), Husniddin Nishonv (10, 24), Dilshod Rahmatov (14, 34)
Ogohlantirish: Abdullo O‘rinboev (6) – yo‘q.
Chetlatish: Abdullo O‘rinboev (32, ikkinchi sariq) – yo‘q.
