Olmaliqdagi “OTMK” sport majmuasida futzal bo‘yicha mamlakat chempionatining uchinchi tur o‘yinlari davom etmoqda. Oltita jamoa uch kun davomida o‘zaro kuch sinashgandi, bugun esa qolgan olti jamoa kurashga kirishdi. Nafaqat kunning, balki turning eng kutilmagan natijasi qayd etildi. Bosh maqsadi faqat chempionlik va Osiyo chempionlar ligasi yo‘llanmasi bo‘lgan, tarkibi deyarli mamlakat terma jamoasi a’zolaridan iborat, Jahon chempionati ishtirokchilari hisoblangan “Huaxin-Jizzax” jamoasi terma jamoada biror nafar a’zosi bo‘lmagan “Metallurg” jamoasiga imkoniyatni boy berib qo‘ydi. Uchrashuv tugashiga besh daqiqa qolgan va hisob 1:2 bo‘lib turgan paytda jizzaxliklar maydonda besh nafar bo‘lib harakatni boshlashdi. Bekobodliklar esa so‘nggi daqiqaning o‘zida ikki marta bo‘sh darvozani ishg‘ol etib, yirik natijani hosil qilishdi. Bahodir Ahmedov shogirdlari uchinchi turga kelib ikkita mag‘lubiyatni “boshidan kechirishdi”, bu esa bosh murabbiyni yakunda qimmatga tushishidan xavotirga sola boshladi. “Maksam-Chirchiq” “Neftchi”ni qiyinchiliksiz enga olgan bo‘lsa, teng kurashlar ostida o‘tgan “Bunyodkor” va “Navbahor” jamoalari uchrashuvida “qaldirg‘ochlar”ning qo‘li baland keldi.
Futzal. Oliy liga
Olmaliq. “OTMK” s.m. 3-tur.
To‘rtinchi kun. 5 dekabr, yakshanba
NEFTChI – MAXSAM-CHIRCHIQ – 1:3 (0:3). 37 tomoshabin.
Hakamlar: Nikita Afinogenov, Rustam Tog‘ayev, Jamolliddin Najmiddinov
Nazoratchi: Valentin Shashkov
Komissar: Jamshid Imamov
Gollar: Rashidjon Jabborov (36) – Odiljon Asomov (8, 17, 18-pen.)
Ogohlantirish: Abdurahim Saidjonov (17) – yo‘q.
METALLURG – HUAXIN-JIZZAZ – 4:1 (1:1). 63 tomoshabin.
Hakamlar: Umid Po‘latov, Furqat Azizov, Nikita Afinogenov
Nazoratchi: Valentin Shashkov
Komissar: Jamshid Imamov
Gollar: Farhod Qodirov (16-pen.), Sanjar Ziyoxonov (23), Ilhom Rajabov (40), Maxsud Fayzullayev (40) – Dilshod Rahmatov (4)
Ogohlantirish: Farhod Qodirov (14) – yo‘q.
BUNYODKOR – NAVBAHOR – 2:0 (2:0). 25 tomoshabin.
Hakamlar: Anatoliy Rubakov, Jamoliddin Najmiddinov, Furqat Azizov
Nazoratchi: Valentin Shashkov
Komissar: Rustam Zuparov
Gollar: Muhammadbobur Rahmonberdiyev (3), Mirzohid Xaydarxo‘jayev (9)
Ogohlantirish: Yo‘q – yo‘q.
