Olmaliqning “OTMK” sport majmuasida futzal bo‘yicha mamlakat chempionatining uchinchi tur o‘yinlari davom ettirildi. Uchinchi turning uchinchi kungi bahslarida bitta yirik natija qayd etildi. “Paxtakor” “Nasaf”ni 7:1 hisobida mag‘lubiyatga uchratdi. Vaholanki, o‘yinda birinchi bo‘lib qarshiliklar hisobni ochgandi va shu gol ularning yagona goli bo‘lib qoldi. Eng kutilmagan natija AGMK va “Stroitel-Zarafshon” uchrashuvida kuzatilishi mumkin edi. Negaki, zarafshonliklar birinchi bo‘lim yakuniga ko‘ra 3:0 hisobida oldinda borishayotgandi. Ko‘p karra chempion AGMK ikkinchi bo‘limda “to‘nini teskari” kiydi va o‘zi uchun kerakli bo‘lgan natijani amalga oshira oldi. Teng kurashlar ostida o‘tgan “Lokmotiv” va “Dinamo” jamoalari uchrashuvida toshkentliklar bitta to‘p evaziga ustunlikka erishishdi. Endi keyingi uch kunda chempionat ishtirokchilarining qolgan olti jamoasi maydonga tushadi. Unda qayd etiladigan har qanday natija “Lokomotiv”ning uchinchi turni peshqadam sifatida yakunlashiga xalaqit bera olmaydi.
Futzal. Oliy liga
Olmaliq. “OTMK” s.m. 3-tur.
Uchinchi kun. 4 dekabr, shanba
AGMK – STROITELЬ-ZARAFShON – 5:3 (0:3). 55 tomoshabin.
Hakamlar: Sanjar Nazarov, Oybek Kallaxo‘jayev, Ilhom Abdulakov
Nazoratchi: Faxriddin Murodov
Komissar: Rustam Zuparov
Gollar: Davronjon Abdurahmonov (29), Avazbek Abduvaliyev (33), Sunnatulla Jo‘rayev (33), Isaxon Ibragimov (37) – Shohruh Mo‘minov (5), Jo‘rabek Yo‘ldoshev (11), A’zamjon Nodirov (17), Shuhrat Ma’murov (28-o‘z darv.)
Ogohlantirishlar: Davlat Ibrohimov (17), Muzaffar Ahadjonov (38) – Shohruh Mo‘minov (29), Jo‘rabek Yo‘ldoshev (29), Jasur Haydarqulov (38), Iskandar Mahmudov (38, bosh murabbiy).
LOKOMOTIV – DINAMO – 2:1 (0:0). 63 tomoshabin.
Hakamlar: Xushnud Otamurodov, Ilhom Abdulakov, Aziz karimov
Nazoratchi: Faxriddin Murodov
Komissar: Rustam Zuparov
Gollar:Dilmurod Shavkatov (23), Akbar Usmonov (27) – Samariddin Berkinov (38)
Ogohlantirish: Jamoliddin Sharipov, o‘yindan keyin – yo‘q.
NASAF – PAXTAKOR – 1:7 (1:2). 24 tomoshabin.
Hakamlar: Sultonmurod Abdurahmonov, Husan Muzaffarov, Ilhom Abdulakov
Nazoratchi: Faxriddin Murodov
Komissar: Jamshid Imamov
Gollar: Oybek Polvonov (3) – Akmal Elmurodov (4), Konstantin Sviridov (20), Sunnatjon Anvarov (25, 34), Alisher Ibrohimov (29), Dilshod Irsaliyev (32), Sherzod Mustafoyev (40)
Ogohlantirish: Yo‘q - Abubakir Usmon, 6.
