Olmaliqning “OTMK” sport majmuasida futzal bo‘yicha mamlakat chempionatining uchinchi tur o‘yinlari davom ettirildi. Uchinchi turning ikkinchi kungi bahslarida ikkita yirik hisob qayd etildi. Dastlab, mezbonlar amaldagi chempion “Paxtakor” darvozasini to‘rt bor ishg‘ol etishdi, o‘z darvozalaridan esa bitta gol o‘tkazib yuborishdi. Ikkinchi o‘yinda yanada yirik hisob kuzatildi. “Lokomotiv” “Stroitel-Zarafshon” jamoasini 11:4 hisobida mag‘lubiyatga uchratdi. Olmaliqliklar kechagi va bugungi g‘alabalari bilan turnir jadvalida ikkinchi o‘ringa ko‘tarilib olgan bo‘lsalar, “temiryo‘lchilar” ochko yo‘qotishsiz yurishini hamon davom ettirib, peshqadamlik mavqeini mustahkamlab borishyapti. Kunning so‘nggi o‘yini yanada qiziqarli ko‘rinish oldi. “Dinamo” uchrashuvning dastlabki olti daqiqasining o‘zida “Nasaf” darvozasiga ikkita to‘p kiritib, vaziyatni yaxshilab olgandek edi. Biroq birinchi bo‘lim yakuniga qadar qarshiliklar hisobni tenglashtirishga erishishdi. Ikkinchi bo‘limda esa qarshiliklarning omadi keldi va ikkita to‘p farqida oldinga chiqib olishdi. Uchrashuvning so‘nggi besh daqiqasida tashabbusni qo‘lga olgan samarqandliklar ketma-ket hujumlari evaziga bitta javob to‘pi kiritishga ulgurishdi, boshqasiga vaqt etmadi.
Futzal. Oliy liga
Olmaliq. “OTMK” s.m. 3-tur.
Ikkinchi kun. 3 dekabr, juma
PAXTAKOR – AGMK – 1:4 (1:1). 54 tomoshabin.
Hakamlar: Anatoliy Rubakov, Adham Rixsiboev, Jasur Tursunboev
Nazoratchi: Valentin Shashkov
Komissar: Jamshid Imamov
Gollar: Feruz Faxriddinov (7) – Sunnatulla Jo‘raev (9), Muzaffar Ahadjonov (21, 24), Rustam Umarov (30)
Ogohlantirishlar: Yo‘q – Artur Yunusov (34), Davron Valijonov (38).
STROITELЬ-ZARAFShON – LOKOMOTIV – 4:11 (1:5). 51 tomoshabin.
Hakamlar: Jasur Tursunboev, Husniddin Bahodirov, Adham Rixsiboev
Nazoratchi: Valentin Shashkov
Komissar: Jamshid Imamov
Gollar: Jo‘rabek Yo‘ldoshev (2), Shohruh Mo‘minov (32, 35), Ravshan Tolibov (40) – Boburbek Ergashev (5), Ravshanbek Asqarjonov (8), Jamoliddin Normirzaev (9), Akbar Usmonov (11, 25, 35, 38), Dilmurod Shavkatov (17, 39), Mashrab Odilov (24), Ravshan Eliboev (37)
Ogohlantirish: Yo‘q – yo‘q.
DINAMO – NASAF – 3:4 (2:2). 22 tomoshabin.
Hakamlar: Umid Po‘latov, Nikita Afinogenov, Husniddin Bahodirov
Nazoratchi: Valentin Shashkov
Komissar: Rustam Zuparov
Gollar: Daler Eshonqulov (3), Temur Salimov (6), Qosimjon Safarov (34) – Mamasharif Xalimov (16, 32), Jasur Xalimov (20, 24),
Ogohlantirishlar: Mexroj Xudoyberdiev (39) – Shohruh Norqulov (38)
Chetlatish: Ibrohim Ibrohimov (20) – yo‘q.
