Futzal bo‘yicha mamlakat chempionati Oliy liga musobaqasining 3-tur o‘yinlarini Olmaliq shahrining “OTMK” sport majmuasi qabul qilmoqda. Uchinchi turning dastlabki kungi o‘yinlari qizg‘in bahslar ostida o‘tdi. Mamlakatning ko‘p karra chempioni AGMKning “Dinamo” jamoasiga qarshi uchrashuvini ko‘pchilik “yengil” o‘tadi deb o‘ylagandi. Biroq samarqandlik yosh futzalchilar tajribali raqiblari oldida “chuv” tushishmadi, aksincha, ularni ancha “bezovta” qilishdi. Osonlikcha g‘alabani o‘ylagan maydon egalari uchrashuvning so‘nggi daqiqalaridagina niyatlariga yeta olishdi, ungacha ikki marotaba hisobda orqada qolib, yaxshigina xavotirga tushishgandi. Navoiy viloyati sharafini himoya qilayotgan bo‘lsada tarkibi deyarli sirdaryolik o‘yinchilardan iborat bo‘lgan “Stroitel-Zarafshon” jamoasi o‘zidan kuchli hisoblangan “Nasaf” jamoasi hujumlariga dosh bera olmadi. Ayniqsa, kunning so‘ngi uchrashuvi ko‘pchilikni qiziqtirayotgandi. “Paxtakor” va “Lokomotiv” jamoalarini qo‘llab-quvvatlash uchun poytaxtdan ham muxlislar tashrif buyurishgandi. Maydonda futzalchilarning, maydon tashqarisida esa tarafkash tomoshabinlarning “bellashuvi” ancha qizidi. Birinchi bo‘limning yarmidayoq o‘z darvozasidan gol o‘tkazib yuborgan “Paxtakor” a’zolari shu daqiqalardanoq maydonga beshinchi o‘yinchisini ham tushirdi. Bu taktika ayniqsa ikkinchi bo‘limda “ish bermadi” - “temiryo‘lchilar” ikkita golini aynan bo‘sh darvozaga yo‘llagan holda amalga oshirishdi. Oxir-oqibat amaldagi chempion uchinchi turni yuz foizli natija bilan boshlagan “Lokomotiv”ga yirik hisobda imkoniyatni boy berdi.
Futzal. Oliy liga
Olmaliq. “OTMK” s.m. 3-tur.
Birinchi kun. 2 dekabr, payshanba
DINAMO – AGMK – 2:3 (1:0). 19 tomoshabin.
Hakamlar: Sultonmurod Abdurahmonov, Husan Muzaffarov, Azizjon Karimov
Nazoratchi: Faxriddin Murodov
Komissar: Rustam Zuparov
Gollar: Samandar Berkinov (16), Daler Eshonqulov (30) – Davlat Ibrohimov (27), Avazbek Abduvaliyev (33), Davronjon Abdurahmonov (38-pen.)
Ogohlantirishlar: Samandar Berkinov (28) - Davron Valijonov (7), Artur Yunusov (25).
STROITELЬ-ZARAFSHON – NASAF – 3:8 (1:2). 55 tomoshabin.
Hakamlar: Xushnud Otamurodov, Ziyovuddin Erkinov, Jamoliddin Najmiddinov
Nazoratchi: Faxriddin Murodov
Komissar: Rustam Zuparov
Gollar: Jasur Haydarqulov (22), Shuhrat Ma’murov (30-o‘z darv.), A’zamjon Nodirov (34), Jo‘rabek Yo‘ldoshev (35) – Mamasharif Xalimov (11, 18, 27), Jasur Xalimov (27, 34, 37), Shohruh Norqulov (40)
Ogohlantirish: Jasur Haydarqulov (11) – yo‘q.
PAXTAKOR – LOKOMOTIV – 0:2 (0:4). 103 tomoshabin.
Hakamlar: Shavkat Muhiddinov, Jaloliddin Najmiddinov, Azizjon Karimov
Nazoratchi: Faxriddin Murodov
Komissar: Jamshid Imamov
Gollar: Dilmurod Shavkatov (9, 14, 35), Mashrab Odilov (31)
Ogohlantirishlar: Dilshod Irsaliyev (26) – Akbar Usmonov (25), Timur Sadirov (33).
