G‘ijduvon va Samarqand shaharlarida o‘tkazilgan 24-turning ikki o‘yini bilan Pro liga mavsumiga yakun yasaldi. Superliga taqdirini allaqachon hal etib ulgurgan “Dinamo” va “Neftchi”ning o‘zaro o‘yinida kuchlar teng keldi – 1:1. Uchrashuv bosh hakam Edita Mirabidovaning Pro ligadagi debyuti bilan uning hayotidagi muhim voqea sifatida tarixda qoladigan bo‘ldi. G‘ijduvondagi o‘yin esa ikkala jamoadan birining taqdirini hal etishi bilan ajralib turdi. “Olimpik” ka durang, hech bo‘lmasa katta bo‘lmagan mag‘lubiyat kifoya edi, “Nurafshon” esa beshta to‘p farqi bilan yutsagina Superliga uchun kurashni davom ettirishi lozim edi. Mezbonlar g‘alaba qozondi, biroq mag‘lub bo‘lgan mehmonlar bayram qilishdi. Shu tariqa “Olimpik” Pro liganing uchinchi jamoasi sifatida Superligada 12-o‘rinni egallagan jamoaga qarshi o‘tish o‘yinida maydonga tushadigan bo‘ldi. Mazkur bahs 2 dekabrda “Jar” stadionida, soat 14.00da boshlanadi.
Pro liga. 24-tur
21 noyabr, yakshanba
NURAFSHON – OLIMPIK – 3:2 (1:1)
G‘ijduvon. “Navro‘z” stadioni. 418 tomoshabin.
Hakamlar: Rahimbek Karimov, Bektursin Kannazarov, Jalg‘asbay Sarsenov
Nazoratchi: Timur Abdullayev
Komissar: Bekzod Aripov.
Gollar: Bektemir Abdumannonov, 45 (0:1), Mirjalol Jumayev, 45+1 (1:1), San’at Shixov, 52 (2:1), San’at Shixov, 57 (3:1), Temur Mamasidiqov, 90+2 (3:2)
"Nurafshon": Shohjahon Nasimov, Bobirjon Amonov, Mirjalol Jumayev, Bobir Qosimov (Behruz Shodmonov, 59), Anvarjon Jo‘rayev (Suhrob Ne’matov, 70), Shavkat Salomov, San’at Shixov (Amirjon Safarov, 82), Rustamjon Abduhamidov (Fayzullobek Jumanqo‘ziyev, 70), Alisher Sanoyev (Nurjahon Muzaffarov, 82), Firdavs Asadov, Sardorbek Izzatov.
"Olimpik": Vladimir Nazarov, Eldorbek Begimov, Bexzod Shamsiyev (Saidazamat Mirsaidov, 79), Farruhbek Muxtorov (Jaloliddin Sodiqov, 46), Otabek Jo‘raqo‘ziyev, Bektemir Abdumannonov (Temur Mamasiddiqov, 46), Dostonbek Tursunov (Sunnatillo Hamidjonov, 72), Muhammadaziz Ibrohimov, Abdurauf Bo‘riyev, Alisher Odilov (Ruslanbek Jiyanov, 72), Shaxzod Toirov.
Ogohlantirishlar: Bobirjon Amonov, 45, Bexruz Shodmonov, 60, Sardorbek Izzatov, 70, Mirjalol Jumayev, 89 – Timur G‘aniyev, 65 (darvozabonlar murabbiyi), Saidazamat Mirsaidov, 82.
DINAMO - NEFTChI - 1:1 (1:0)
Samarqand. “Dinamo” stadioni. 1555 tomoshabin.
Hakamlar: Edita Mirabidova, Husniddin Shodmonov, Akmal G‘iyosov
Nazoratchi: Isxak Ibragimov
Komissar: Oybek Yunusov
Gollar: Shokir Yo‘ldoshev, 31 (1:0). Sardor Abdunabiyev, 68 (1:1).
"Dinamo": Aslonbek Ahrorov, Shohruhbek Abdurahmonov (Elnur Saitmuratov, 90+1),Humoyun Sherbo‘tayev, Ro‘zimboy Ahmedov, Siroj Meliyev (Timur Usmonov, 46), Obid Jo‘raboyev, Jasur Hasanov, Temurbek Ismoilov (Islom Sharipov, 53), Shokir Yo‘ldoshev, Muhammadqodir Hamraliyev, G‘olibjon Sariboyev
"Neftchi": Shuhratillo Rahmonov, Shodiyor Xojimatov, Sobit Sindarov (Doston Toshmatov, 64), Sherzod Karimov, Abdulloh Olimov, A’zamjon Aliyev, Umar Adhamzoda, Tohirjon Shamshitdinov, Darko Stanoevich, Oybek Qilichev, Ulug‘bek Hoshimov (Sardor Abdunabiyev, 64)
Ogohlantirishlar: Yo‘q – Shodiyor Xojimatov, 45+2, Oybek Qilichev, 61, Abdulloh Olimov, 90+3.
