Poytaxtdagi “Yunusobod” (sobiq “O‘zbekiston”) sport majmuasida futzal bo‘yicha mamlakat chempionatining ikkinchi tur doirasidagi ikkinchi kungi o‘yinlar davom ettirildi. O‘tkazilgan uchta uchrashuvning uchalasida ham yirik hisoblar qayd etildi. “Bunyodkor” avvaliga ikki to‘p farqida oldinda bordi, durangdan keyin yana bir to‘p oldinga o‘tdi. Biroq yakunda “Paxtakor” a’zolari tashabbusni o‘z qo‘llariga olishdi va uchrashuvni ham o‘z foydalariga hal etishdi. Mazkur g‘alabadan so‘ng garchi tarkibining asosiy “yulduzlari” “Huaxin” jamoasiga o‘tib ketgan bo‘lishiga qaramay, amaldagi chempionlar turnir jadvalida peshqadamligini davom ettirishyapti. Tarkibi deyarli terma jamoa futzalchilaridan tashkil topgan “Huaxin”ning “Dinamo”ga qarshi o‘yini oson kechmadi. Tashabbus garchi jizzaxliklar tomonida bo‘lsada birinchi bo‘limning oxiriga qadar hisob ochilmadi. Faqat so‘nggi soniyalarda samarqandliklar o‘z darvozalaridan gol o‘tkazib yuborishdi. Ikkinchi bo‘limda “Huaxin” “o‘ziga keldi” va kerakli natijani qo‘lga kirita oldi. “Stroitel-Zarafshon” jamoasi bosh murabbiyi Iskandar Mahmudovning aytishicha, jamoa mavsumga tayyorgarlik ko‘ra olmagan, jismonan puxta emas, o‘yin amaliyoti ham juda kam. Va bu kamchiliklar natijalarda aks etyapti. “Neftchi”dan uchralgan yirik hisobdagi mag‘lubiyatda ham buning isboti bo‘ldi.
Futzal. Oliy liga
Toshkent. “O‘zbekiston” s.m. 2-tur.
Ikkinchi kun. 2 noyabr, seshanba
PAXTAKOR – BUNYoDKOR – 6:3 (1:2)
Hakamlar: Anatoliy Rubakov, Shavkat Muhiddinov, Furqat Azizov
Nazoratchi: Sergey Petrov
Komissar: Rustam Zuparov
Gollar: Feruz Faxriddinov (19, 22), Akmal Elmurodov (27, 40), Dilshod Irsaliev (28), Muhammad Zoirov (30) – Muhammadbobur Rahmonberdiev (7, 25), Umidjon Zayniddinov (18)
Ogohlantirishlar: Abubakr Usmon (9), Alisher Ibrohimov (20), Dilshod Irsaliev (40) - yo‘q.
HUAXIN-JIZZAX – DINAMO – 5:1 (1:0)
Hakamlar: Sultonmurod Abdurahmonov, Ilhom Abdullakov, Husniddin Bahodirov
Nazoratchi: Sergey Petrov
Komissar: Rustam Zuparov
Gollar: Husniddin Nishonov (20), Anasxon Rahmatov (24), Ilhomjon Hamroev (27), Elbek To‘lqinov (30), Dilshod Rahmatov (35) – Alan Ahmedov (40)
Ogohlantirishlar: Dilshod Rahmatov (28), Elbek To‘lqinov (37) – yo‘q.
STROITELЬ-ZARAFShON – NEFTChI – 1:7 (1:3)
Hakamlar: Husniddin Otamurodov, Ziyovuddin Erkinov, Oybek Kallaxo‘jaev
Nazoratchi: Faxriddin Murodov
Komissar: Rustam Zuparov
Gollar: Ravshan Tolibov (18) – Rashidjon Jabborov (4, 9, 16, 40), Jahongir Maqsudov (21), Shuhratbek Rashidov (25), Muhammadyusuf Muhammadjonov (29)
Ogohlantirish: Yo‘q – Elyor Domlaev (31).
