Poytaxtimizdagi “O‘zbekiston” sport majmuasida futzal bo‘yicha mamlakat chempionatining ikkinchi tur o‘yinlariga start berildi. Bu turning dastlabki uch kunligida “Paxtakor”, “Bunyodkor”, “ Huaxin-Jizzax”, “Dinamo”, “Stroitel-Zarafshon” hamda “Neftchi” jamoalari o‘zaro kuch sinashishadi. Kunning dastlabki o‘yinida amaldagi chempion “Paxtakor” va liga debyutanti “Neftchi” jamoalari o‘zaro kuch sinashishdi. Garchi hisobni birinchi bo‘lib poytaxtliklar ochishsada, shu daqiqaning o‘zidayoq farg‘onaliklar hisobni tenglashtirishdi. Majmuaga yig‘ilgan kam sonli muxlislar o‘yinda tashabbus ko‘proq farg‘onaliklar tomonida bo‘lganligiga, lekin yakunda omad “Paxtakor” jamoasiga nasib etganligiga guvoh bo‘lishdi. “Bunyodkor” va “Dinamo” uchrashuvida hisobni ochish toshkentliklarga nasib etdi. Lekin samarqandliklar ikki bor hisobda oldinga chiqishgandi. “Bunyodkor”ning hisobni tenglashtirish va g‘alabali to‘pi “dabl peneltidan” amalga oshirildi – “Dinamo”ning o‘yin qoidasini buzish holatlari beshtadan oshgandan so‘ng navbatdagi har qanday jarima 10 metrlik belgidan tepilishi lozim bo‘lgan holatda “Bunyodkor” birinchisini bajara olmagandi, keyingi ikkitasini esa bexato bajarishib, muhim uch ochkoni qo‘lga kiritishdi. Kunning so‘nggi o‘yinida tarkibi deyarli O‘zbeksiton terma jamasi a’zolaridan iborat bo‘lgan “Huaxin-Jizzax” jamoasi “Stroitel-Zarafshon”ga hech qanday imkoniyat qoldirmadi.
Futzal. Oliy liga
Toshkent. “O‘zbekiston” s.m. 2-tur.
Birinchi kun. 1 noyabr, dushanba
PAXTAKOR – NEFTChI – 3:2 (3:1). 32 tomoshabin.
Hakamlar: Shavkat Muhiddinov, Furqat Azizov, Husniddin Bahodirov
Nazoratchi: Faxriddin Murodov
Komissar: Rustam Zuparov
Gollar: Abubakir Usmon (3), Alisher Ibrohimov (7), Feruz Faxriddinov (18) – Ilhom Abdug‘aniev (3), Ulug‘bek Abduqodirov (31)
Ogohlantirish: Yo‘q – yo‘q.
BUNYoDKOR – DINAMO – 4:3 (1:1). 39 tomoshabin.
Hakamlar: Umid Po‘latov, Adham Rixsiboev, Husniddin Bahodirov
Nazoratchi: Faxriddin Murodov
Komissar: Rustam Zuparov
Gollar: Asilbek Isroilov (8), Mirzohid Haydarxo‘jaev (33, 39), Muhammadbobur Rahmonberdiev (40) – Shahram Faxriddinov (14), Samandar Erkinov (23), Muhammad Rajabov (38)
Ogohlantirishlar: Mirzohid Haydarxo‘jaev (31), Xayrulla Solixov (31) – Daler Eshonqulov (14), Muhammad Rajabov (33), Anvar Nosirov (38, murabbiy).
Chetlatish: Ikrom Karimov (“Dinamo”, o‘yindan keyin).
HUAXIN-JIZZAX – STROITELЬ-ZARAFShON – 7:0 (3:0). 32 tomoshabin.
Hakamlar: Sanjar Nazarov, Azizjon Karimov, Ziyovuddin Erkinov
Nazoratchi: Sergey Petrov
Komissar: Rustam Zuparov
Gollar: Abbos Elmurodov (3), Davron Choriev (8), Ilhomjon Hamroev (18), Dilshod Rahmatov (23, 39), Husniddin Nishonov (38), Anasxon Rahmatov (40)
Ogohlantirishlar: Husniddin Nishonov (14) – Artyom Graborskiy (23), A’zamjon Nodirov (38).
