Ortda qolayotgan sentyabr oyida Pro ligada 3 ta tur uchrashuvlari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.
Sentyabr oyining eng yaxshi murabbiyi bo‘lish uchun nomzodlar
Ilhom Mo‘minjonov (“Neftchi”) – 2 o‘yin, 2 g‘alaba
Aleksandr Yejov (“Xorazm”) – 3 o‘yin, 2 g‘alaba, 1 durang
Hakim Fuzaylov (“Dinamo”) – 3 o‘yin, 2 g‘alaba, 1 durang
Sentyabr oyining eng yaxshi futbolchisi bo‘lish uchun nomzodlar
Timur Bekchanov (“Xorazm”) – 3 o‘yin, 2 gol
Fahriddin Alimov (“Yangier”) – 3 o‘yin, 3 gol
Bobur Farhodov (“Xorazm”) – 3 o‘yin, 2 gol
Aleksandr Yeshich (“Neftchi”) – 2 o‘yin, 2 gol
Shohruh Abdurahmonov (“Dinamo”) – 3 o‘yin, 3 gol
Eslatib o‘tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etadi. Pro liganing 8 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.
