Pro liga 14-turidan o‘rin olgan “Xorazm” — “Neftchi” uchrashuvi 29-avgust — yakshanba kuni bo‘lib o‘tadi.
Reja bo‘yicha mazkur bellashuv 5-avgustda o‘tishi kerak edi. Biroq davlat test imtihonlari “Xorazm” klubining uy arenasida ham o‘tkazilishi rejalashtirilgan. Shundan kelib chiqib, mezbonlar uchrashuvni 2-avgustga ko‘chirish taklifi bilan chiqdi. Biroq bu tanaffusdan keyingi o‘yinlarga tayyorgarlik ko‘rayotgan “Neftchi” klubi rejalariga o‘zgartirish kiritishni taqazo etadi. Shundan kelib chiqib, Farg‘ona tomoni uchrashuvni 5-avgust kuni “Istiqlol” stadionida o‘tkazish taklifi bilan chiqdi.
O‘zPFL har ikki tomon taklifini o‘rganib chiqib, uchrashuvni 29-avgust sanasiga tayin qildi. Shu tariqa Pro liganing tanaffusdan keyingi 14-turida 2 ta uchrashuv bo‘lib o‘tadi. 4-avgust kuni “Yangiyer” o‘z maydonida “Olimpik”ni qabul qiladi. 5-avgust sanasida esa “Dinamo” klubi G‘uzorda “Sho‘rtan” mehmoni bo‘ladi.
