Birinchi liga 10-tur doirasidagi “Rubin” – “Paxtakor-79” uchrashuvi “Rubin” klubining O‘zPFLga murojaati tufayli 25 oktyabr kunidan 26 oktyabr sanasiga ko‘chirildi.
Klub murojaatiga ko‘ra, 24-25 oktyabr kunlari “Rubin” futbol klubi to‘p suradigan Toshkentdagi “IBO‘SM” stadionida “Sport maktablari Futbol ligasi” respublika musobaqasi o‘yinlari o‘tkaziladi. O‘zbekiston Jismoniy tarbiya va sport vazirligi hamda O‘FA tashabbusi bilan bo‘lib o‘tayotgan ushbu musobaqa kunlari stadion band bo‘lishini inobatga olib, klub “Paxtakor-79” bilan o‘yinni 26 oktyabr kuniga ko‘chirishni so‘ragan.
Klub murojaati, hamda mehmon jamoaning bunga qarshi emasligini inobatga olib, O‘zPFL o‘yinni boshqa muddatga ko‘chirilishiga roziligini bildiradi.
