Futzal: O`zbekiston XXIII milliy chempionatiga qur`a tashlandi. To`liq taqvim

• 28.03.2019
• Futzal

Shu yilning 12-14 mart kunlari poytaxtimizda futzal bo`yicha mamlakat XXIII milliy chempionati saralash bahslari o`tkazilgan edi. Bo`lib o`tgan o`yinlar yakunlariga ko`ra, “Maksam-Chirchiq” hamda Samarqandning “Dinamo” jamoalari yuqori divizion yo`llanmasiga ega chiqishgan.

Natijada 2019 yilgi mavsumda chempionatimiz ishtirokchilari soni 12 taga etdi: AGMK, “Paxtakor”, “Lokomotiv”, “Bunyodkor”, “Metallurg”, “Neftchi”, “So`g`diyona”, “Buxoro”, “Navbahor”, “Nasaf”, “Maksam-Chirchiq” va “Dinamo”.

Bugun O`zPFL binosida futzal bo`yicha 2019 yilgi O`zbekiston chempionatiga qur`a tashlash marosimi bo`lib o`tdi. Unda ishtirokchi klublar hamda OAV vakillari ishtirok etishdi.

Qayd etish lozim, 2019 yilgi mavsumda milliy chempionat yuqori divizioni uchrashuvlari 2 ta bosqichga bo`lingan holda o`tkaziladi. Dastlabki bosqich 3 ta davradan iborat bo`ladi. Har bir davrada 4 ta tur o`yinlari o`tkaziladi va yakunda 12 ta tur natijalariga ko`ra, kuchli sakkizlik aniqlab olinadi. Birinchi bosqichdan so`ng 1-8-o`rinlarni egallagan jamoalar hal qiluvchi ikkinchi bosqich – pley-offda qatnashish imkoniyatiga ega bo`lishadi. Pley-off bosqichida o`yinlar finalga qadar 2 ta g`alabagacha bo`lgan formatda tashkil etiladi. Finalda g`olib chiqish masalasi esa 3 ta g`alabagacha bo`lgan tartibda hal etiladi.

Ta`kidlash joiz, mamlakat XXIII chempionati o`yinlari markazlashtirilgan holda bo`lib o`tadi. 1-tur uchrashuvlari 1-6 aprel kunlari poytaxtimizdagi “O`zbekiston” sport majmuasida o`tkaziladi. 

Liganing amaldagi rasmiy saytiga yangiliklar joylash to‘xtatildi

Qo‘mita qarorlariga hurmatsizlik qilayotgan Superliga klublariga nisbatan sanksiya qo‘llaniladi

Maksim Shatskix: Rejamiz 99 foizga bajarildi

Vitaliy Levchenko: Paxtakor bo‘sh hudud qoldirmadi

Superliga. Neftchi o‘z maydonida Paxtakorga yengildi

Grigoriy Kolosovskiy: Biz hali kurashamiz