Bilasiz, ertadan futbol bo`yicha mamlakat chempionati yangi mavsumi rasman start oladi.
Coca Cola kompaniyasi Superliganing 2019 yilgi mavsumi uchun titul homiy bo`lish huquqini qo`lga kiritdi. Endilikda milliy chempionatimiz yuqori divizioni Coca Cola Superligasi deya ataladi.
2019 yilgi Coca Cola Superligasi logotipi tasdiqlandi. Ushbu logotip asosan qizil va oq ranglar uyg`unligidan iborat bo`lib, Superliganing barcha uchrashuvlari anons, afisha, o`yinlarga oid dasturnoma va reklama bannerlarida aks etadi.
Shu tariqa, O`zbekiston Professional futbol ligasi rasmiy logotipi bilan bir qatorda 2019 yilgi mavsum davomida Coca Cola Superligasi uchrashuvlariga oid ma`lumotlar taqdim etishda ushbu logotipdan ham birdek foydalaniladi.
