Yangi mavsum arafasida “Metallurg” futbol klubi ramzi – logotipiini o`zgartirish bo`yicha tanlov e`lon qilinganidan xabaringiz bor.
Muxlislar, professional dizaynerlar, musavvirlardan ko`plab variantlarni qabul qilindi. Yakunda klub rahbariyati muassislar bilan kelishgan holda quyida havola etilayotgan yangi ramz – logotipni eng ma`quli deb topdi va tasdiqladi. Endilikda mazkur logotip – “Metallurg” (Bekobod) futbol klubining rasmiy ramzi sanaladi.
Ta`kidlab o`tamiz, PFL tomonidan muxlislar o`rtasida o`tkazilayotgan tanlovga ham bir qator klublar logotipi zamonaviy ko`rinishga ega emasligini ta`kidlagan holda ishqibozlar sevimli jamoalari logotipi uchun o`z talqinlarini ham taqdim etishmoqda. Tanlov yakunida barcha faol ishqibozlar taqdirlanadi.
