Plyaj futboli: O`zbekiston Kubogida 12 ta jamoa ishtirok etadi

16.07.2018

Mamlakatimizda besh-olti yillik tanaffusdan keyin yana plyaj futboli bo`yicha rasmiy musobaqa start olayotganligi haqida xabar berganmiz. Ertaga Qarshi shahridagi mamlakatimizda Respublika doirasida musobaqa o`tkazish talabini beruvchi yagona plyaj maydonida boshlanadigan O`zbekiston Kubogi o`yinlariga bugun qur`a tashlash marosimi o`tkazildi.

16-21 iyul kunlariga belgilangan, Qarshidagi “Geolog” sport majmuasi hududidagi plyaj maydonida bo`lib o`tadigan musobaqada 12 ta jamoa ishtirok etadigan bo`ldi. O`zbekiston Professional futbol ligasining etakchi mutaxassislari A.Fayziev va O.Yunusov, Qashqadaryo viloyat futbol assotsiatsiyasi birinchi vitse-prezidenti N.Daminov ishtirokida o`tgan qur`a tashlash marosimidan keyin jamoalar uchta jamoadan to`rt guruhga bo`lindi. Bular:

“A” guruhi – “Kasbi” (Kasbi tumani, “Mash`al” klubi qoshidagi futbol maktabi murabbiylari, bosh murabbiyi Otajon Aliqulov), “Lokomotiv” (Qarshidagi shu nomdagi sport klubi, Bahrom Usmonov), “Binokor” (Qashqadaryo birinchiligi ishtirokchisi, Arslon Sharopov).

“V” guruhi – “Qarshi” (“Binokor-2” jamoasi), “Po`lati” (Koson tumanidagi “Bunyodkor” professional sport klubi, Navro`z Bekmurodov), “Kogon” (Buxoro viloyati Kogon shahridagi professional futzal jamoasi, Fuzuliy Xayrullaev).

“S” guruhi – “Nishon” (Superligadagi “Nasaf” klubi qoshidagi futbol maktabi murabbiylari, Sherali Madalov), “Koson” (viloyat birinchiligi ishtirokchisi, Rustam Tog`aev), “Samarqand” (Samarqand viloyat birinchiligida ishtirok etayotgan jamoalar murabbiylari terma jamoasi, Dilshod Haydarqulov).

“D” guruhi – “Mash`al” (Pro-ligadagi “Mash`al” futbol akademiyasi murabbiylari, Dilshod Andaev), “Nasaf” (Superligadagi “Nasaf” futbol akademiyasi murabbiylari, Ilyos Pardaev), “Adolat” (Qashqadaryo viloyat xavfsizlik xizmati xodimlari).

Uchrashuvlar taqvimi:

17 iyul

“Kasbi” – “Binokor”

“Qarshi” – “Kogon”

“Nishon” – “Samarqand”

“Mash`al” – “Adolat”

18 iyul

“Lokomotiv” – “Binokor”

“Po`lati” – “Kogon”

“Koson” –“Samarqand”

“Nasaf” – “Adolat”

“Kasbi” – “Lokomotiv”