Ayollar futboli: “Sevinch-2” birinchi liga birinchi turida birinchi o`rinda

Toshkent viloyatining Qibraydagi Markaziy o`yingohida ayollar o`rtasida mamlakat birinchi ligasining dastlabki tur o`yinlari bo`lib o`tdi. Aslida olti-ettita jamoa ishtirok etishi ko`zda tutilgan musobaqaning boshlanish arafasida Gulistonning “Sharq yulduzi” hamda Yozyovon tumanining yangi tashkil topgan shu nomdagi jamoalari Qibrayga etib kela olmadi va birinchilik to`rt jamoa ishtirokida start oldi.

Bular: “Sevinch-2” (Qarshi), AGMK-2 (Olmaliq), “Dinamo” (Samarqand) va “TerDU-Surxon” (Termiz).

Jamoalar soni kam bo`lgani uchun tashkilotchilar musobaqani to`rt turdan iborat tarzda rejalashtirishdi va har turda jamoalar ikki davraviy o`yinlar o`tkazadigan bo`ldi. 1-turning o`zida jamoalar ikki boradan to`qnash kelishdi. Ayollar futbolida salkam o`n besh yildan beri peshqadamlik qilib kelayotgan Qarshining “Sevinch” klubi yosh futbolchilari opalarining an`analarini davom ettirishdi.  “Sevinch-2” jamoasi barcha uchrashuvlarda g`alaba qozongan holda, o`z darvozalari daxlsizligini saqlab qolishdi...

Qayd etilgan natijalar:

1-tur. 1-davra.

10 may

“Dinamo” – AGMK – 2:0

“Sevinch-2” – “TerDU-Surxon” – 8:0

11 may

“TerDU-Surxon” - “Dinamo” – 0:4

AGMK – “Sevinch-2” – 0:4

12 may

“Dinamo” – “Sevinch-2” – 0:2

“TerDU-Surxon” – AGMK – 1:2

2-davra

13 may

AGMK – “Dinamo” – 1:2

“TerDU-Surxon” – “Sevinch-2” – 0:6

14 may

“Dinamo” – “TerDU-Surxon” – 1:0

“Sevinch-2” – AGMK – 1:0

1-turdan keyingi vaziyat:

1-“Sevinch-2”         5        5        0        0        21-0   15

2.”Dinamo”            5        4        0        1        9-3     12

3.AGMK                 5        1        0        4        3-10     3

4.”TerDU-Surxon”  5        0        0        5        1-21   0

To`purar: Durdona Alieva (“Sevinch-2”) – 5 ta.

Birinchilikning navbatdagi 2-tur o`yinlari 19-23 iyunga belgilangan. 3-tur avgustda, 4-tur esa sentyabrda o`tishi rejalashtirilgan.