Jamshid Saidov “Buxoro” klubiga bosh murabbiyi etib tayinlandi

Oliy Liga birinchi davrasi yakunida Buxoroning "Buxoro" klubi rahbariyati jamoaga yangi bosh murabbiyi nomini e`lon qildi.

Klub rasmiy saytining xabar berishicha, kecha bo`lib o`tgan jamoa rasmiylari va rahbarlari yig`ilishida Jamshid Saidov klubning yangi bosh murabbiyi etib tayinlandi.

Mavsumni jamoada bosh murabbiy sifatida boshlagan Aleksandr Mochinov iste`foga chiqarilgach, uning o`rniga Shuhrat Fayziev vaqtinchalik bosh murabbiy vazifasini bajardi. Birinchi davra yakuniga etgach, Fayziev ham iste`foga chiqarildi va Jamshid Saidov klubning yangi bosh murabbiyi sifatida ommaga tanishtirildi. Vyugay Kadimov esa jamoaning jismoniy tayyorgarlik bo`yicha murabbiyi sifatida ish boshlaydi.

Ta`kidlash joiz, "Buxoro" klubi birinchi davrada ko`ngildagidek ishtirok eta olmadi va ayni damda 5 ochko bilan turnir jadvalining oxirgi pog`onasida bormoqda.