O`zPFL tartib-intizom qo`mitasining navbatdagi yig`ilishi bo`lib o`tdi. Yig`ilish yakunida o`tgan mavsum so`ngida Oliy Liga, Yoshlar Birinchiligi hamda O`zbekiston Birinchiligi bahslarida qayd etilgan qoidabuzarliklar yuzasidan qaror chiqardi.
Oliy Liga
Oliy Liganing 26-turida «Andijon»ga qarshi kechgan uchrashuvda qo`pol hatti harakati uchun maydondan chetlatilgan «Metallurg» futbolchisi Hikmat Hoshimov 2 uchrashuvga diskvalifikatsiya qilindi va jarimaga tortildi.
Yoshlar Birinchiligi
«Lokomotiv» klubiga qarshi kechgan 25-tur uchrashuvida raqibiga oyoq bilan bergan zarbasi uchun maydondan chetlatilgan Qarshining «Nasaf» klubi hujumchisi Sanjar Baratov 2 uchrashuvga diskvalifikatsiya qilindi.
«Neftchi» jamoasiga qarshi 26-tur o`yinida uchrashuv bosh hakami sha`niga no`maqul so`zlarni ishlatgani uchun maydondan chetlatilgan «Olmaliq» klubi yarim himoyachisi Suhrob Berdiev 3 uchrashuvga diskvalifikatsiya qilindi.
O`zbekiston Birinchiligi
«So`g`diyona»ga qarshi kechgan O`zbekiston Birinchiligi 2-bosqich 15-tur uchrashuvida raqibiga oyoq bilan zarba bergani uchun maydondan chetlatilgan «Yangier» himoyachisi Islombek Hamidov 2 uchrashuvga diskvalifikatsiya qiliindi.
O'yinlar 
Jadval 
Ligalar 
Yana