6 noyabr kuni Oliy Liga va O`zbekiston Birinchiligi klublarining futbol maktablari 1998-99 yilda tug`ilgan futbolchilardan iborat tayyorlov guruhlari o`rtasidagi O`zbekiston Birinchiligi final bosqichi guruh bahslarida 1-tur uchrashuvlari bo`lib o`tdi.
«A» guruhi o`yinlari Toshkentdagi «Chilonzor» stadionida o`tkazilgan bo`lsa, «V» guruhi o`yinlariga «Chig`atoy» sun`iy qoplamali maydonida mezbonlik qildi.
«Andijon» va «Nasaf» futbol maktablari o`rtasidagi o`yinda qashqadaryoliklar kuchliroq chiqishdi va 5:2 hisobida g`alaba qozonishdi. «A» guruhining ikkinchi o`yini – Farg`onaning «Neftchi» hamda Muborakning «Mash`al» klublari futbol maktablari o`rtasidagi o`yinda ham Qashqadaryo vakili raqibidan kuchliroq chiqdi – 2:0, «Mash`al» foydasiga.
«V» guruhi 1-tur o`yinlari doirasida Bekobodning «Metallurg» klubi futbol maktabi Toshkentning «Bunyodkor» klubi futbol maktabiga 0:5 hisobida mag`lubiyatga uchratgan bo`lsa, «Buxoro» va «Paxtakor» jamoalari o`rtasidagi bahsda toshkentlik yosh futbolchilar kuchliroq chiqishdi – o`yin «Paxtakor»ning 2:1 hisobidagi g`alabasi bilan yakuniga etdi.
Final bosqichi guruh bahslari doirasidagi 2-tur uchrashuvlari 7 noyabr kuni bo`lib o`tadi. Shu kuni «A» guruhida «Andijon» – «Neftchi» va «Nasaf» - «Mash`al» o`yinlari o`tkazilsa, «V» guruhida «Metallurg» – «Buxoro» va «Bunyodkor» – «Paxtakor» o`yinlari bo`lib o`tadi.
Musobaqaning to`liq taqvimi bilan bu erda tanishish mumkin.
Oliy Liga va O`zbekiston Birinchiligi klublarining futbol maktablari o`rtasidagi O`zbekiston Birinchiligi final bosqichi bahslari(1998-99 yil tarbiyalanuvchilari), guruh bosqichi
«A» guruhi, 1-tur uchrashuvlari
6 noyabr, seshanba
«Andijon» – «Nasaf» 2:5
«Neftchi» – «Mash`al» 0:2
«V» guruhi, 1-tur uchrashuvlari
6 noyabr, seshanba
«Metallurg» – «Bunyodkor» 0:5
«Buxoro» – «Paxtakor» 1:2
O'yinlar 
Jadval 
Ligalar 
Yana