O`zbekiston Oliy Ligasi 17-tur uchrashuvlari start oldi. 25 avgust kuni tur doirasida 4ta uchrashuv bo`lib o`tdi. Ularning uchtasi tomonlardan birining g`alabasi bilan yakuniga etgan bo`lsa, Qarshining «Nasaf» hamda Toshkentning «Bunyodkor» klublari o`rtasidagi turning markaziy uchrashuvida hisob ochilmadi. Turning hozircha eng yirik hisobi Andijonda qayd etildi. Yangi bosh murabbiy – Azamat Abduraimov qo`l ostida to`p surgan maydon egalari – «Andijon» futbolchilari «Qizilqum»ni yirik – 5:1 hisobida mag`lubiyatga uchratishdi. Jamoa bungacha olti uchrashuvda g`alaba nimaligini bilmay kelayotgandi. Ta`kidlash joiz, «Andijon» oxirgi marta aynan «Qizilqum» ustidan g`alaba qozongandi. «Olmaliq» o`z tarixida ilk bor «Buxoro»ga imkoniyatni boy berdi. Olmaliqda bo`lib o`tgan uchrashuvda Igor Shkvirin shogirdlari 1:3 hisobida imkoniyatni boy berishdi. Muborakda bo`lib o`tgan «Mash`al» – «Lokomotiv» uchrashuvida mehmonlar, so`nggi daqiqalarda kiritilgan gol evaziga, muhim g`alabani qo`lga kiritishdi. «Mash`al» so`nggi to`rt uchrashuvda atigi ikki ochko qo`lga kiritgan va ushbu ochkolar safar o`yinlarida qo`lga kiritilgan bo`lsa, «Lokomotiv»ning mag`lubiyatsiz seriyasi beshtaga etdi. Turning qolgan uchrashuvlari 27 avgust kuni bo`lib o`tadi: «Dinamo» o`z maydonida «Metallurg»ni qabul qilsa, «Sho`rtan» Toshkentda «Paxtakor» mehmoni bo`ladi. Kunning qiziqarli o`yinlaridan biri – «Neftchi» va «Navbahor» o`rtasidagi «Vodiy derbisi» Farg`onada bo`lib o`tadi. Oliy Liga, 17-tur uchrashuvlari Eng yaxshi o`yinchilar: I. Yunusov – I. Nesterov.
26 avgust, yakshanba
O'yinlar 
Jadval 
Ligalar 
Yana