Oliy Liga. 17-turdagi «Nasaf» - «Bunyodkor» o`yining yangi sanasi tasdiqlandi

O`zbekiston Oliy Ligasi 17-tur o`yinlaridan o`rin olgan «Nasaf» – «Bunyodkor» uchrashuvi sanasi yana o`zgartirildi.

Qarshi shahrida O`zbekiston mustaqilligining 21 yilligi munosabati bilan tashkil etiladigan bayram tantanalari sabab, Oliy Liga 17-turidan o`rin olgan «Nasaf» – «Bunyodkor» uchrashuvi 27 avgustdan 28 avgustga ko`chirilgan edi.

Ushbu jamoalar o`rtasidagi o`yin sanasi yana o`zgardi: o`yin, avval e`lon qilinganidek 28 avgust emas, 26 avgust, yakshanba kuni o`tkaziladi.

Eslatib o`tamiz, Oliy Liga 17-tur uchrashuvlari 26 avgust kuni start oladi.